Cənubi Qafqazda sülh modeli beynəlxalq dəyər alır

Bakı:

10 °C

87 %

6 m/s

Əlaqə

AZ RU EN

Ana səhifə / YAP xəbərləri / Cənubi Qafqazda sülh modeli beynəlxalq dəyər alır

Cənubi Qafqazda sülh modeli beynəlxalq dəyər alır

05.02.2026 [18:40]

Anar Abbasov

YAP Nərimanov rayon təşkilatının sədr müavini

Birləşmiş Ərəb Əmirliklərinin (BƏƏ) nüfuzlu Şeyx Zayed Fondu tərəfindən elan edilən 2026-cı il üçün “Zayed İnsan Qardaşlığı Mükafatı”nın qalibləri arasında Azərbaycan Prezidenti İlham Əliyevin də yer alması Azərbaycanın siyasi tarixinə qızıl hərflərlə həkk olunacaq bir hadisədir. Çünki Azərbaycan prezidenti öz fenomenal təfəkkürü, iti manevrləri, ən əsası, sülhsevər missiyası ilə bu mükafatı ölkəmizə gətirir.

“Zayed İnsan Qardaşlığı Mükafatı”nın Münsiflər Komitəsinin üzvü və Mükafatın baş katibi Məhəmməd Əbdülsəlamın vurğuladığı kimi, komitə Ermənistan və Azərbaycan arasında tarixi sülh müqaviləsinə xüsusi önəm verib.

Bir sözlə, cənab prezident bu mötəbər mükafata sülhpərvər və möhtəşəm sülh quruculuğu xidmətlərinə görə layiq görülüb.

Ölkəmizin başçısı təkcə 35 il davam edən münaqişəyə son qoymayıb, eyni zamanda, ermənilərin və onların 200 illik mənfur planının üzərindən xətt çəkib. Prezident Əliyev üç onillik ərzində davam edən münaqişəyə və humanitar əzablara son qoyduğuna, “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş”in paraflanmasına nail olduğuna görə bu ali mükafatla təltif olunub.

Cənab prezidentin diqtə və qətiyyəti ilə Güney Qafqaza sülh gəldi. Ölkə başçısının qətiyyəti, iradəsi və ustalığı Nikol Paşinyanı və onun ölkəsini sülhə istiqamətləndirdi. Yəni, otuz ildən sonra erməni xalqına və Ermənistana sülhü məhz prezident İlham Əliyev hədiyyə etdi. Bir sözlə, Paşinyanın qazandığı mükafatın da əsas pay və imza sahibi Azərbaycan dövləti və onun prezidenti, xalqımızın sülhsevər missiyasıdır!

Bu o deməkdir ki, Azərbaycanın irəlilətdiyi sülh inşası prosesi Ermənistan üçün də nicat qapılarını açdı. Bu, Azərbaycan prezidentin bütün dünyanın cavab tapmağa çalışdığı "qısa müddətdə sülhü necə tapmaq olar?" - sualına əyani, ən əsası, tutarlı cavabdır.

Cənab prezidentin razılığı ilə son yarım ildə Qazaxıstan və Rusiyadan Azərbaycan üzərindən bu ölkəyə logistik axının başlanması, digər ölkələrlə inteqtrasiyanın qurulması, eləcə də Azərbaycanın özünün Ermənistana yanacaq satması bölgədə etimad habının əsasını qoydu, uzunömürlü sülhə inamı gücləndirdi.

Bütün bu faktorlar və digər mühüm amillər Prezident İlham Əliyevin layiqincə başa çatdırdığı mötəbər sülh və humanitar quruculuq missiyasının müasir dünya siyasi salnaməsində öz tarixi dəyərini aldığını təsdiqləyir.

Beləliklə, bu tarixi gerçəkliyi dəyərləndirən Şeyx Zayed Fondunun layiq gördüyü “Zayed İnsan Qardaşlığı Mükafatı”nın cənab Prezidentə verilməsi də yuxarıda vurğuladığımız ardıcıl və davamlı missiyanın tərənnümü və təcəssümüdür.

Paylaş:

Baxılıb: 281 dəfə