Əbu-Dabidəki tədbirin böyük simvolik əhəmiyyəti var

Bakı:

25 °C

64 %

1 m/s

Əlaqə

AZ RU EN

Ana səhifə / YAP xəbərləri / Əbu-Dabidəki tədbirin böyük simvolik əhəmiyyəti var

Əbu-Dabidəki tədbirin böyük simvolik əhəmiyyəti var

05.02.2026 [21:10]

Eldar Əsədov

YAP Tərtər rayon təşkilatının sədri

2026-cı il 4 fevral tarixində Əbu-Dabi şəhərində nüfuzlu “Zayed İnsan Qardaşlığı Mükafatı”nın təqdimolunma mərasimində Azərbaycan Respublikasının Prezidenti İlham Əliyev cənabları müqkafatlandırıarkən bir sıra dövlət və hökumət nümayəndələri iştirak ediblər. Mükafat dünya miqyasında sülh, insan qardaşlığı və dialoqun təşviqi sahəsində əhəmiyyət daşıyan şəxslərə verilir və bu ilki mükafat mərasimində Azərbaycan-Ermənistan arasında sülh prosesi yüksək qiymətləndirilir.

Möhtərəm Prezidentimiz cənab İlham Əliyev çıxışında mükafatı qəbul etməyin onun üçün böyük şərəf olduğunu qeyd edib. O, BƏƏ-nin banisi mərhum Şeyx Zayed bin Sultan Al Nahyanın adını daşıyan bu mükafatın insan qardaşlığı və dialoqun təşviqi baxımından beynəlxalq səviyyədə yüksək nüfuza malik olduğunu vurğulayıb.

Çıxışında dövlət başçısı ən böyük diqqəti Azərbaycan ilə Ermənistan arasındakı yanaşmaların və sülh prosesinin əhəmiyyətinə yönəldib. O qeyd edib ki, Azərbaycan və Ermənistan arasında əldə olunmuş razılaşma sülh və qarşılıqlı anlaşmanın nümunəsidir və bu, müasir dünyada münaqişələrin sülh yolu ilə həlli üçün bir model təşkil edir.

Prezident çıxışının bir hissəsində tədbirin simvolik əhəmiyyətinə də toxunub. O vurğulayıb ki, bu mərasim sadəcə mükafatlandırma deyil, həm də sülhün və qarşılıqlı əməkdaşlığın simvolik təzahürüdür.

Prezident çıxışında regionda iqtisadi və ticarət əlaqələrinin genişləndirilməsi barədə də danışıb. O bildirib ki, Ermənistanla son aylarda əməkdaşlıq sahəsində müəyyən irəliləyiş var, xüsusilə nəqliyyat və ticarət əlaqələrinin artırılması istiqamətində önəmli addımlar atılıb. Bu, gələcək iqtisadi inteqrasiyanın və qarşılıqlı faydalı əlaqələrin qurulmasının təməlini qoyur.

Prezident İlham Əliyev çıxışının sonunda mükafatın dəyərləndirilməsi üçün təşəkkürünü bildirib və bu uğurun yalnız bir şəxsin deyil, bütün xalqın səylərinin nəticəsi olduğunu vurğulayıb. O, eyni zamanda BƏƏ rəhbərliyinə, beynəlxalq tərəfdaşlara və bu sülh prosesini dəstəkləyən hər kəsə minnətdarlığını çatdırıb.

Prezident İlham Əliyevin 4 fevral 2026-cı ildə Əbu-Dabidəki çıxışı regionda sülhün və davamlı əməkdaşlığın vacibliyini bir daha gündəmə gətirib. O, bu mükafatı Azərbaycan üçün yalnız bir beynəlxalq təltif deyil, həm də gələcək nəsillər üçün sülh və qarşılıqlı hörmət ideallarının gerçəkləşməsi baxımından böyük bir məsuliyyət olaraq qiymətləndirib.

Paylaş:

Baxılıb: 476 dəfə