Azərbaycanın uğurlu xarici siyasəti insan qardaşlığı ideyalarına xidmət edir

Bakı:

23 °C

64 %

5 m/s

Əlaqə

AZ RU EN

Ana səhifə / YAP xəbərləri / Azərbaycanın uğurlu xarici siyasəti insan qardaşlığı ideyalarına xidmət edir

Azərbaycanın uğurlu xarici siyasəti insan qardaşlığı ideyalarına xidmət edir

06.02.2026 [17:24]

Ölkəmizin son illərdə həyata keçirdiyi uğurlu, balanslı və prinsipial xarici siyasət ölkəmizin beynəlxalq nüfuzunun daha da möhkəmlənməsinə, qlobal miqyasda etibarlı tərəfdaş kimi tanınmasına şərait yaradıb. Sülhə, əməkdaşlığa və qarşılıqlı hörmətə əsaslanan bu siyasət Azərbaycanın beynəlxalq humanitar təşəbbüslərdə fəal iştirakını təmin edir. Məhz bu kontekstdə cənab Prezident İlham Əliyevin 2026-cı il fevralın 4-də Birləşmiş Ərəb Əmirliklərinin paytaxtı Əbu-Dabidə keçirilən “Zayed İnsan Qardaşlığı Mükafatı”nın təqdimolunma mərasimində iştirakı və çıxışı xüsusi əhəmiyyət daşıyır.

Nüfuzlu beynəlxalq tədbirdə çıxış edən Prezident İlham Əliyev “Zayed İnsan Qardaşlığı Mükafatı”nın bəşəri dəyərlərin, sülhün və xalqlar arasında qarşılıqlı anlaşmanın təşviqində mühüm rol oynadığını bildirib. Dövlətimizin başçısı mükafatın adını daşıdığı Birləşmiş Ərəb Əmirliklərinin qurucusu, mərhum Şeyx Zayed bin Sultan Al Nəhyanın humanizm, tolerantlıq və mədəniyyətlərarası dialoq sahəsində misilsiz xidmətlərini xüsusi vurğulayıb.

Prezident İlham Əliyev qeyd edib ki, Şeyx Zayedin irsi bu gün də dünya üçün nümunədir və onun əsasını qoyduğu insan qardaşlığı ideyaları müasir dövrdə artan qlobal çağırışlar fonunda daha da актуal xarakter alır. Dövlətimizin başçısı vurğulayıb ki, bu dəyərlər yalnız ayrı-ayrı regionlar üçün deyil, bütün bəşəriyyət üçün ümumi mənəvi dayaq rolunu oynayır.

Çıxışında Azərbaycanın multikultural dəyərlərə sadiqliyindən danışan cənab Prezident ölkəmizin tarixən müxtəlif dinlərin, xalqların və mədəniyyətlərin dinc şəraitdə birgə yaşadığı məkan olduğunu diqqətə çatdırıb. O bildirib ki, tolerantlıq və multikulturalizm Azərbaycan cəmiyyətinin həyat tərzinə çevrilib və bu siyasət müasir dövrdə dövlət səviyyəsində ardıcıl şəkildə həyata keçirilir.

Dövlətimizin başçısı Azərbaycanın müstəqillik illərində mədəniyyətlərarası və dinlərarası dialoqun təşviqi istiqamətində irəli sürdüyü beynəlxalq təşəbbüslərdən də bəhs edib. Prezident İlham Əliyev Bakı Beynəlxalq Multikulturalizm Mərkəzinin fəaliyyəti, Ümumdünya Mədəniyyətlərarası Dialoq Forumları, eləcə də beynəlxalq humanitar platformaların qlobal sülhə verdiyi töhfələri xüsusi qeyd edib.

Prezident İlham Əliyev müasir dünyada baş verən münaqişələr, dini və etnik zəmində qarşıdurmalar fonunda insan qardaşlığı ideyasının alternativsiz yol olduğunu vurğulayıb. O qeyd edib ki, qarşılıqlı hörmətə və dialoqa əsaslanmayan siyasət uzunmüddətli sabitlik yarada bilməz və beynəlxalq ictimaiyyət bu məsələdə ortaq məsuliyyət daşıyır.

Çıxış zamanı regional və qlobal təhlükəsizlik məsələlərinə toxunan dövlətimizin başçısı sülhün yalnız siyasi razılaşmalarla deyil, eyni zamanda humanitar və mənəvi dəyərlər üzərində qurulmalı olduğunu bildirib. Prezident İlham Əliyev ayrı-seçkilik, dözümsüzlük və nifrət meyillərinə qarşı mübarizədə təhsilin, mədəniyyətin və humanitar əməkdaşlığın mühüm rol oynadığını qeyd edib.

Azərbaycan ilə Birləşmiş Ərəb Əmirlikləri arasında münasibətlərin yüksək səviyyədə inkişaf etdiyini vurğulayan Prezident İlham Əliyev iki ölkə arasında dostluq və strateji tərəfdaşlıq əlaqələrinin qarşılıqlı etimada əsaslandığını bildirib. O, humanitar sahədə əməkdaşlığın bu münasibətlərin mühüm tərkib hissəsi olduğunu diqqətə çatdırıb.

Sonda Prezident İlham Əliyev “Zayed İnsan Qardaşlığı Mükafatı”nın beynəlxalq həmrəyliyin möhkəmləndirilməsinə xidmət etdiyini bildirərək, bu təşəbbüsün gələcəkdə də xalqlar və mədəniyyətlər arasında körpülər quracağına əminliyini ifadə edib. Dövlətimizin başçısı Azərbaycanın sülhə, əməkdaşlığa və humanist dəyərlərə bundan sonra da sadiq qalacağını vurğulayıb.

Rövşən Əhmədov

YAP Ağcabədi rayon təşkilatının sədri

Paylaş:

Baxılıb: 664 dəfə