YAP Səbail rayon təşkilatında Xocalı soyqırımına həsr olunmuş tədbir keçirilib

Bakı:

20 °C

88 %

10 m/s

Əlaqə

AZ RU EN

Ana səhifə / YAP xəbərləri / YAP Səbail rayon təşkilatında Xocalı soyqırımına həsr olunmuş tədbir keçirilib

YAP Səbail rayon təşkilatında Xocalı soyqırımına həsr olunmuş tədbir keçirilib

25.02.2026 [16:51]

Fevralın 25-də Yeni Azərbaycan Partiyası (YAP) Səbail rayon təşkilatında Xocalı soyqırımının 34-cü ildönümünə həsr olunmuş tədbir keçirilib.

Əvvəlcə Azərbaycanın ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib. Sonra Xocalı soyqırımına həsr olunmuş film nümayiş etdirilib.
Tədbirdə çıxış edən YAP Səbail rayon təşkilatının sədri Muxtar Nağıyev bildirib ki, 34 il əvvəl törədilmiş Xocalı soyqırımı ermənilərin müharibə cinayətləri arasında xüsusi amansızlığı ilə fərqlənir. Onun sözlərinə görə, Xocalı faciəsi dünya tarixində dinc əhalinin kütləvi qətliamı kimi dərin iz qoymuş Xatın, Holokost, Ruanda və Serebrenitsa kimi soyqırımları ilə bir sırada dayanır. Təşkilat sədri deyib ki, Xocalı soyqırımının beynəlxalq müstəvidə tanıdılması və erməni faşizminin ifşası ilə bağlı işlər Ulu Öndər Heydər Əliyevin xalqın tələbilə hakimiyyətə qayıdışından sonra başlayıb. Ulu Öndərin təşəbbüsü ilə 1994-cü il fevralın 24-də Milli Məclis “Xocalı Soyqırımı Günü haqqında” qərar qəbul edib, BMT-yə, dünya dövlətlərinə bu qətliamın mahiyyətini açıqlayaraq beynəlxalq ictimaiyyəti erməni terrorizminə qarşı təsirli tədbirlər görməyə çağırıb. Heydər Əliyevin “Xocalı soyqırımı qurbanlarının xatirəsinə sükut dəqiqəsi elan edilməsi haqqında” 25 fevral 1997-ci il tarixli Sərəncamı ilə hər il fevral ayının 26-da saat 17.00-da Azərbaycan Respublikasının ərazisində Xocalı soyqırımı qurbanlarının xatirəsinə ehtiram əlaməti olaraq sükut dəqiqəsi elan edilir.

Səbail rayon İcra Hakimiyyəti başçısının müavini Kəmalə Həşimova isə qeyd edib ki, ötən illər ərzində Xocalı həqiqətlərinin dünyaya tanıdılması, Ermənistanın havadarlarının dəstəyi ilə həyata keçirdiyi insanlıq əleyhinə cinayətin beynəlxalq miqyasda ifşası istiqamətində xeyli iş görülüb. O vurğulayıb ki, Azərbaycan Prezidenti İlham Əliyev və Birinci vitse-prezident Mehriban xanım Əliyeva bu məsələni diqqət mərkəzində saxlayır. Xüsusilə, Xocalı soyqırımının dünyada tanıdılması istiqamətində Heydər Əliyev Fondu sistemli tədbirlər həyata keçirir. 2008-ci ildə Heydər Əliyev Fondunun vitse-prezidenti Leyla xanım Əliyevanın təşəbbüsü ilə başlanmış “Xocalıya ədalət!” beynəlxalq kampaniyası hazırda uğurla davam etdirilir.

Birinci Qarabağ müharibəsinin veteranı, Xocalı sakini Rəhman İsmayılov həmin qanlı gecədə şahidi olduğu hadisələrdən danışıb, ermənilərin insanlığa sığmayan cinayətlərindən bəhs edib. Onun sözlərinə görə, Ali Baş Komandan İlham Əliyevin rəhbərliyi rəşadətli ordumuz tərəfindən ərazi bütövlüyümüzün və suverenliyimizin bərpa olunması tariximizə qızıl hərflərlə yazılıb. Bununla da, bütün şəhidlərimizin qisası alınıb.

Tədbirdə həmçinin, ADPU-nun 3-cü kurs tələbəsi Aysun Əliyeva və 162 saylı tam orta məktəbin müəlliməsi Gülbəniz Abbasova çıxış ediblər. Qeyd olunub ki, hazırda işğaldan azad edilmiş ərazilərimiz, o cümlədən Xocalı Prezident İlham Əliyevin rəhbərliyi ilə yenidən qurulur, dirçəlir və insanlar doğma yurdlarına qayıdırlar.

Paylaş:

Baxılıb: 608 dəfə