Xocalıda tarixi an: Milli yaddaşın rəmzi ucaldı

Bakı:

15 °C

72 %

9 m/s

Əlaqə

AZ RU EN

Ana səhifə / YAP xəbərləri / Xocalıda tarixi an: Milli yaddaşın rəmzi ucaldı

Xocalıda tarixi an: Milli yaddaşın rəmzi ucaldı

27.02.2026 [15:01]

Eldar Əsədov

YAP Tərtər rayon təşkilatının sədri

Azərbaycan Respublikasının Prezidenti cənab İlham Əliyev cənabları Xocalı Soyqırımı Memorialının açılış mərasimində çıxış edərək qeyd etdi ki, müasir Azərbaycanın yaddaş siyasətinin, tarixi ədalət mövqeyinin və milli həmrəyliyinin parlaq ifadəsi kimi yadda qaldı. Dövlət başçısının nitqi təkcə anım xarakteri daşımadı, həm də beynəlxalq ictimaiyyətə mühüm mesajlar verdi, Xocalı həqiqətlərinin unudulmaması və gələcək nəsillərə çatdırılmasının vacibliyini bir daha önə çəkdi.

Möhtərəm Prezidentimiz vurğuladı ki, Xocalı soyqırımı Azərbaycan xalqına qarşı törədilmiş ən ağır cinayətlərdən biridir və bu faciənin qurbanlarının xatirəsinin əbədiləşdirilməsi dövlətin ardıcıl siyasətinin tərkib hissəsidir. Onun sözlərinə görə, memorial kompleksinin yaradılması həm şəhidlərin ruhuna ehtiramın ifadəsi, həm də gələcək nəsillərin tarixdən dərs çıxarması baxımından mühüm əhəmiyyət daşıyır.

Qeyd edək ki, Azərbaycan dövləti Xocalı həqiqətlərinin dünyaya çatdırılması istiqamətində uzun illərdir sistemli fəaliyyət göstərir. Bu istiqamətdə həyata keçirilən diplomatik, informasiya və maarifləndirmə tədbirləri nəticəsində bir çox ölkələr və beynəlxalq qurumlar Xocalı faciəsinə hüquqi-siyasi qiymət veriblər.

İlham Əliyev cənabları çıxışında memorialın memarlıq və ideya baxımından dərin məna daşıdığını diqqətə çatdırdı. Bildirildi ki, kompleks yalnız bir abidə deyil, həm də milli yaddaş məkanıdır. Memorialın ucaldılması Azərbaycan dövlətinin şəhidlərinin xatirəsinə sədaqətinin real təzahürü kimi qiymətləndirildi.

Bu gün Xocalı şəhərində həyat yenidən bərpa olunur, Böyük Qayıdış proqramı çərçivəsində keçmiş məcburi köçkünlər doğma torpaqlarına qayıdırlar. Bu faktın özü tarixi ədalətin bərpasının ən parlaq sübutu kimi qeyd etmək olar.
Azərbaycan xalqı uzun illər Xocalı qurbanlarının qisasının alınacağı günü gözləyirdi və bu tarixi ədalət 44 günlük Vətən müharibəsi zamanı təmin edildi. Dövlət başçısı vurğuladı ki, Azərbaycanın ərazi bütövlüyünün və suverenliyinin bərpası şəhidlərin qanının yerdə qalmadığını göstərdi.

Bu gün Azərbaycan qalib dövlətdir və artıq Xocalıda Azərbaycan bayrağı dalğalanır. Cənab Prezident İlham Əliyev dünya ictimaiyyətini Xocalı soyqırımına obyektiv və ədalətli qiymət verməyə çağırdı. O vurğuladı ki, müharibə cinayətləri və soyqırımı halları unudulmamalı, günahkarlar məsuliyyətə cəlb olunmalıdır.

Möhtərəm Prezidentimiz daha sonra qeyd etdi ki, Azərbaycan xalqının birliyinin, ordunun gücünün və dövlət siyasətinin ardıcıllığı ölkəni tarixi qələbəyə gətirib çıxardı.
Möhtərəm Prezident cənab İlham Əliyev Xocalı Soyqırımı Memorialının açılışında etdiyi çıxış həm hüzn, həm qürur, həm də gələcəyə inam ruhu ilə yadda qaldı və bir daha göstərdi ki, Azərbaycan dövləti öz tarixini unutmur, şəhidlərinin xatirəsini daim uca tutur və ədalətin beynəlxalq səviyyədə tanınması uğrunda mübarizəni qətiyyətlə davam etdirir.

Paylaş:

Baxılıb: 410 dəfə