Tarixi yaddaşın əbədiləşdirilməsi

Bakı:

22 °C

78 %

4 m/s

Əlaqə

AZ RU EN

Ana səhifə / YAP xəbərləri / Tarixi yaddaşın əbədiləşdirilməsi

Tarixi yaddaşın əbədiləşdirilməsi

02.03.2026 [15:34]

26 fevral 2026-cı il tarixində Azərbaycan Respublikasının Prezidenti İlham Əliyev tərəfindən Xocalı Soyqırımı Memorialının açılış mərasimində səsləndirilən fikirlər xalqımızın tarixində baş vermiş bu faciənin mahiyyətinin bir daha dərindən dərk edilməsinə, Xocalı həqiqətlərinin beynəlxalq ictimaiyyətə çatdırılmasına və tarixi yaddaşın qorunmasına xidmət edən mühüm mesajlar kimi yadda qaldı.

Dövlət başçısı çıxışında vurğuladı ki, 1992-ci ilin fevralında baş vermiş Xocalı soyqırımı Azərbaycan xalqına qarşı törədilmiş ən ağır və amansız cinayətlərdən biridir. Bu faciə nəticəsində yüzlərlə günahsız insan – qadınlar, uşaqlar və qocalar xüsusi qəddarlıqla qətlə yetirilmiş, yüzlərlə insan yaralanmış, minlərlə sakin öz doğma yurd-yuvasından didərgin düşmüşdür. Xocalıda törədilən bu vəhşilik təkcə Azərbaycan xalqına qarşı deyil, bütövlükdə insanlığa qarşı yönəlmiş ağır cinayət kimi tarixə düşmüşdür.

Prezident İlham Əliyev çıxışında qeyd etdi ki, Azərbaycan dövləti uzun illərdir Xocalı soyqırımının həqiqətlərinin dünya ictimaiyyətinə çatdırılması istiqamətində ardıcıl və məqsədyönlü siyasət həyata keçirir. Dövlətimizin təşəbbüsü ilə müxtəlif ölkələrdə keçirilən tədbirlər, beynəlxalq konfranslar, nəşrlər və məlumatlandırma kampaniyaları nəticəsində Xocalı faciəsi haqqında həqiqətlər daha geniş auditoriyalara çatdırılmışdır. Artıq bir sıra ölkələr və beynəlxalq təşkilatlar bu faciəni soyqırımı və ya insanlığa qarşı cinayət kimi tanımışdır ki, bu da ədalətin bərpası istiqamətində mühüm addımlardan biridir.

Memorialın açılışı həm də faciə qurbanlarının xatirəsinin əbədiləşdirilməsi baxımından xüsusi əhəmiyyət daşıyır. Bu cür xatirə kompleksləri gələcək nəsillərə tariximizin ağrılı səhifələrini xatırladır, eyni zamanda insanlığa qarşı törədilmiş cinayətlərin unudulmaması və belə faciələrin bir daha təkrarlanmaması üçün mühüm mesaj verir. Xocalı Soyqırımı Memorialı xalqımızın yaddaşının canlı simvolu kimi tarixə həkk olunur.

Prezident İlham Əliyev çıxışında onu da qeyd etdi ki, Azərbaycan xalqı öz tarixini, milli yaddaşını və şəhidlərinin xatirəsini heç vaxt unutmur. Xocalı qurbanlarının xatirəsi daim uca tutulur və onların əziz xatirəsi hər zaman böyük ehtiramla yad edilir. Bu faciənin dünya miqyasında tanıdılması istiqamətində görülən işlər bundan sonra da davam etdiriləcək, Xocalı həqiqətləri beynəlxalq ictimaiyyətə daha geniş şəkildə çatdırılacaqdır.

Bu gün Azərbaycan dövləti güclü siyasi iradə və qətiyyət nümayiş etdirərək tarixi həqiqətlərin qorunmasına və dünya ictimaiyyətinə çatdırılmasına xüsusi önəm verir. Xocalı soyqırımı kimi faciələrin unudulmaması və bu cinayətlərə hüquqi-siyasi qiymətin verilməsi beynəlxalq ədalətin bərqərar olması baxımından mühüm əhəmiyyət kəsb edir.

Prezident İlham Əliyev-in Xocalı Soyqırımı Memorialının açılışında səsləndirdiyi fikirlər bir daha göstərdi ki, Azərbaycan dövləti tarixi yaddaşını qoruyur, həqiqətlərin təhrif olunmasına imkan vermir və ədalətin bərpası naminə prinsipial mövqeyini davam etdirir. Xocalı qurbanlarının xatirəsi isə hər zaman xalqımızın qəlbində yaşayacaq və böyük ehtiramla yad olunacaqdır.

Fidan Hüseynova

YAP Quba rayon təşkilatının sədri

Paylaş:

Baxılıb: 490 dəfə