YAP Qaradağ rayon təşkilatı 5 mart - Bədən tərbiyəsi və idman günü münasibətilə tədbir keçirib

Bakı:

28 °C

57 %

4 m/s

AZ RU EN

Ana səhifə / YAP xəbərləri / YAP Qaradağ rayon təşkilatı 5 mart - Bədən tərbiyəsi və idman günü münasibətilə tədbir keçirib

YAP Qaradağ rayon təşkilatı 5 mart - Bədən tərbiyəsi və idman günü münasibətilə tədbir keçirib

05.03.2014 [09:39]

Dünən Qaradağ rayonunda yerləşən Heydər Əliyev Mərkəzində 5 mart - Bədən tərbiyəsi və idman günü münasibəti ilə tədbir keçirilib. Yeni Azərbaycan Partiyası (YAP) Qaradağ rayon təşkilatı və rayon Gənclər və İdman İdarəsinin birgə təşkilatçılığı ilə keçirilən tədbiri giriş sözü ilə YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov açıb.
Natiq Azərbaycan Respublikasının Prezidenti İlham Əliyevin 4 mart 2005-ci il tarixli Sərəncamı ilə 5 mart - Bədən tərbiyəsi və idman gününün təsis edilməsindən, dövlətin digər sahələr kimi bədən tərbiyəsi və idman sahəsinə göstərdiyi diqqət və qayğıdan, əsası Ulu öndər Heydər Əliyev tərəfindən qoyulan idman siyasətinin Onun layiqli davamçısı, ölkə Prezidenti İlham Əliyev tərəfindən uğurla davam etdirilməsindən danışıb.
A.Hüseynov qeyd edib ki, müstəqil Azərbaycanda idmanın yeni inkişaf mərhələsi 1993-cü ildə başlayıb. Həmin ildə Ulu öndər Heydər Əliyevin ölkəmizdə ikinci dəfə hakimiyyətə gəlməsindən sonra ictimai həyatın mühüm tərkib hissəsi olan idmana dövlət qayğısı artırılıb. 1994-cü ildə Ümummilli lider Heydər Əliyevin Fərmanı ilə Gənclər və İdman Nazirliyi yaradılıb: “Bir il sonra 1995-ci ildə İdman Fondu təsis edilib. Bir sözlə, Ümummilli lider Azərbaycanda idmanın kütləviliyinə nail olmaq, bədən tərbiyəsi və idmanı geniş inkişaf etdirmək, uğurlar əldə etmək, beynəlxalq dərəcəli idmançılar yetişdirmək üçün qurumlar qarşısında xüsusi vəzifələr qoyub. 1997-ci ildə isə idman ictimaiyyətinin istəyi ilə cənab İlham Əliyev Milli Olimpiya Komitəsinin prezidenti seçilib. Bununla da ölkəmizin idman həyatında, o cümlədən olimpiya hərəkatında dönüş yaranıb. Azərbaycan idmanına göstərilən qayğının, görülən işlərin nəticəsidir ki, idmançılarımız müxtəlif beynəlxalq yarışlarda uğurla çıxış edirlər”.
Tədbirdə çıxış edən Qaradağ rayon İcra Hakimiyyəti başçısının müavini Təranə İsmayılova, Bakı şəhər Gənclər və İdman İdarəsinin rəis müavini Rəşad Əliyev, Qaradağ rayon Gənclər və İdman İdarəsinin rəisi Elçin Abbasov, Qaradağ rayon Uşaq Gənclər İdman İdarəsinin direktoru Suliddin Fərzəliyev, Təhsil işçiləri Həmkarlar İttifaqının sədri Zümrüd Rzayeva dövlətin idmanın inkişafına göstərdiyi diqqət və qayğıdan danışıblar. Sonda müxtəlif yarışlarda uğur qazanmış qaradağlı idmançı gənclərə fəxri fərmanlar va xatirə hədiyyələri təqdim edilib.

Paylaş:

Baxılıb: 1322 dəfə