YAP İsmayıllı rayon təşkilatı “Ümummilli lider Heydər Əliyevin şah əsəri olan Azərbaycan sivil bəşəriyyət üçün tolerantlıq nümunəsidir” mövzusunda tədbir keçirib

Bakı:

28 °C

57 %

4 m/s

AZ RU EN

Ana səhifə / YAP xəbərləri / YAP İsmayıllı rayon təşkilatı “Ümummilli lider Heydər Əliyevin şah əsəri olan Azərbaycan sivil bəşəriyyət üçün tolerantlıq nümunəsidir” mövzusunda tədbir keçirib

YAP İsmayıllı rayon təşkilatı “Ümummilli lider Heydər Əliyevin şah əsəri olan Azərbaycan sivil bəşəriyyət üçün tolerantlıq nümunəsidir” mövzusunda tədbir keçirib

15.04.2014 [09:17]

Yeni Azərbaycan Partiyası (YAP) İsmayıllı rayon təşkilatı rayonun Təzəkənd kəndində “Ümummilli lider Heydər Əliyevin şah əsəri olan Azərbaycan sivil bəşəriyyət üçün tolerantlıq nümunəsidir” mövzusunda tədbir keçirib. Tədbiri giriş sözü ilə açan Təzəkənd kənd tam orta məktəbinin direktoru Elxan Bədəlov qeyd edib ki, Azərbaycan dövləti bütün dünyada tolerantlıq nümunəsi sayılır. Vurğulanıb ki, Azərbaycan dövlətinin Konstitusiyası dinindən, milli və etnik mənsubiyyətindən asılı olmayaraq, hər bir vətəndaşın azad yaşaması, fəaliyyət göstərməsi üçün bütün hüquq və azadlıqları özündə ehtiva edir. Bu fakt dünya ictimaiyyəti tərəfindən də yüksək qiymətləndirilir.
Daha sonra çıxış edən YAP İsmayıllı rayon təşkilatının sədri Əzizə Vahabova bildirib ki, dini dəyərlərlə müasirliyin vəhdəti bəşəri tərəqqinin ən əsas ünsürlərindən biridir. Bu vəhdət cəmiyyətin siyasi, sosial və mədəni inkişafında, münasibətlərin formalaşmasında zəmin rolu oynayır: “1993-cü ildə xalqın təkidli tələbi ilə hakimiyyətə gələn Ümummilli liderimiz Heydər Əliyev xalqımızın dini-mənəvi, milli dəyərlərinin yenidən bərpası istiqamətində böyük və çox önəmli işlər gördü. Bu işlər xalqımızın əsrlərlə formalaşdırdığı zəngin mədəni və dini-mənəvi irsdən bəhrələnməklə yanaşı, zamanın ruhu və tələbləri ilə səsləşən prinsipləri özündə əks etdirirdi. Ümummilli liderimiz Heydər Əliyev, eyni zamanda, dövrün tələbi baxımından uğurlu, düşünülmüş, uzaqgörən siyasi strategiya müəyyənləşdirərək, ölkəmizdə yaşayan bütün millətləri bir ideologiya-azərbaycançılıq ideologiyası ətrafında birləşdirdi” .
Daha sonra çıxış edən Təzəkənd kənd sakinləri Ağalar Bədəlov, Qalib Ağayev, Eynulla Bağırov, Hacalı Səlimov, Lətafət Bağırova qeyd ediblər ki, Azərbaycanın ildən-ilə artan iqtisadi gücü və potensialı hər bir vətəndaşımızın sosial rifahının yüksəlişinə təsir göstərir. Bildirilib ki, Ulu öndər Heydər Əliyev tərəfindən əsası qoyulan siyasi kursun Prezident İlham Əliyev tərəfindən uğurla davam və inkişaf etdirilməsi dövlətimizə daha böyük uğurlar qazandıracaq.
PƏRVİZ

Paylaş:

Baxılıb: 1196 dəfə