YAP Nərimanov rayon təşkilatında ərazi ilk partiya təşkilatları sədrlərinin toplantısı keçirilib

Bakı:

13 °C

82 %

5 m/s

AZ RU EN

Ana səhifə / YAP xəbərləri / YAP Nərimanov rayon təşkilatında ərazi ilk partiya təşkilatları sədrlərinin toplantısı keçirilib

YAP Nərimanov rayon təşkilatında ərazi ilk partiya təşkilatları sədrlərinin toplantısı keçirilib

16.04.2014 [09:11]

Dünən Yeni Azərbaycan Partiyasının (YAP) Nərimanov rayon təşkilatında ərazi ilk partiya təşkilatları sədrlərinin toplantısı keçirilib. Toplantıda Ümummilli lider Heydər Əliyevin anadan olmasının 91-ci ildönümünün qeyd olunması ilə əlaqədar tədbirlər planı müzakirə olunub. Tədbirdə çıxış edən YAP Nərimanov rayon təşkilatının sədri Təmraz Tağıyev Ulu öndər Heydər Əliyevin Azərbaycan xalqı qarşısında xidmətlərindən geniş bəhs edib. O, bildirib ki, fəaliyyətinin hər bir məqamı ilə xalqın, dövlətin, cəmiyyətin mənafeyinə xidmət etmiş, Azərbaycan torpağının bütövlüyü uğrunda fədakarlıqla çalışmış Ümummilli liderimiz Heydər Əliyev tarixdə hər hansı bir dövlət başçısının öz ölkəsi üçün edə bilmədiklərini Azərbaycan üçün reallığa çevirib. Onun sözlərinə görə, 1991-ci ildə Azərbaycan xalqı Sovet imperiyasından rəsmən azad olsa da dövlət müstəqilliyinin qorunub saxlanılması Ulu öndər Heydər Əliyevin respublika rəhbərliyinə yenidən qayıdışı ilə reallaşıb. “Bu gün Azərbaycanda böyük quruculuq işləri aparılır. Ölkəmizin inkişafı məhz Ulu öndər Heydər Əliyevin müəyyənləşdirdiyi siyasət nəticəsində baş verir və bu gün Prezident İlham Əliyev bu siyasəti uğurla həyata keçirir” - deyə, T.Tağıyev vurğulayıb.
T.Tağıyev artıq rayon təşkilatının binasında orta məktəb şagirdləri üçün Ulu öndər Heydər Əliyevin zəngin irsinə dair dərslərin keçirildiyini diqqətə çatdırıb. O deyib ki, Ümummilli liderimizin anadan olmasının 91-ci ildönümü bütün ilk təşkilatlar səviyyəsində qeyd olunmalıdır. T.Tağıyev bu münasibətlə qanvermə aksiyasının, yaşıllaşdırma kampaniyasının və s. tədbirlərin keçiriləcəyini də qeyd edib.
YAP Nərimanov rayon təşkilatı Gənclər Birliyinin sədri Yusif Babanlı gənclərin də müxtəlif idman tədbirləri keçirəcəyini diqqətə çatdırıb. Azərbaycanda dövlət gənclər siyasətinin əsasının Ulu öndər Heydər Əliyev tərəfindən qoyulduğunu xatırladan Y.Babanlı gənc nəslin Ümummilli liderimizin ideyalarına sadiq olduğunu vurğulayıb.
YAP Nərimanov rayon təşkilatı Qadınlar Şurasının sədri Məhəbbət İbrahimova da rəhbərlik etdiyi qurumun bu münasibətlə tədbirlər keçirəcəyini deyib. O həmçinin qeyd edib ki, təşkilatın Qadınlar Şurası görkəmli oftolmoloq alim, akademik Zərifə Əliyevanın da anadan olmasının ildönümü ilə bağlı tədbir keçirməyi nəzərdə tutur. “Ümumiyyətlə, müstəqil dövlətimiz məhz Ümummilli lider Heydər Əliyevin müəyyənləşdirdiyi siyasət nəticəsində inkişaf edir və bu gün Prezident İlham Əliyevin rəhbərliyi ilə bu siyasət uğurla davam etdirilir. Azərbaycan xalqı Heydər Əliyev siyasətinə sadiq qalaraq ölkə Prezidentinin fəaliyyətini dəstəkləyir” - deyə, M.İbrahimova vurğulayıb.
Tədbirin sonunda YAP fəalı Firudin Nəsirov 65 illik yubileyi münasibətilə təşkilatın Fəxri fərmanı ilə təltif olunub.
N.BAYRAMLI

Paylaş:

Baxılıb: 1077 dəfə