Heydər Əliyev
yeni azerbaycan logo

Ana səhifə / YAP xəbərləri / YAP Binəqədi rayon təşkilatının Qadınlar Şurasının hesabat seçki konfransı keçirilib

YAP Binəqədi rayon təşkilatının Qadınlar Şurasının hesabat seçki konfransı keçirilib

17.05.2014 [11:00]

Yeni Azərbaycan Partiyası (YAP) Binəqədi rayon təşkilatı Qadınlar Şurasının hesabat seçki konfransı keçirilib. Konfrans iştirakçıları öncə Ümummilli lider Heydər Əliyevin YAP Binəqədi rayon təşkilatının qarşısındakı büstünün önünə gül dəstələri qoyublar.
Tədbiri giriş sözü ilə açan YAP Binəqədi rayon təşkilatının sədri Ramiz Göyüşov deyib ki, ki, bu gün ölkəmizdə bütün sahələrdə olduğu kimi, uğurlu qadın siyasəti həyata keçirilir.
Tədbirdə hesabat məruzəsi ilə çıxış edən YAP Binəqədi rayon təşkilatı Qadınlar Şurasının sədri Məlahət İbrahimova ölkədə aparılan qadın siyasəti haqda danışıb.
Sonra HB Co. LTD şirkətinin əməkdaşı, həkim Nahidə Mahmudova, Binəqədi rayonu Mərkəzi Mədəniyyət Evinin direktoru, Binəqədi qəsəbə ərazi ilk partiya təşkilatı Qadınlar Şurasının sədri Zivər Abbasova və YAP Gənclər Birliyinin şura üzvü Sitarə Cabbarlı məruzə ətrafında çıxış ediblər. Çıxışlarda Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, millət vəkili Mehriban Əliyevanın və Fondun vitse-prezidenti Leyla Əliyevanın fəaliyyətinin hər bir xanıma örnək olduğu bildirilib.
Çıxışlardan sonra təşkilati məsələyə baxılıb. YAP Gənclər Birliyinin sədr müavini, Binəqədi rayon İcra Hakimiyyəti başçısının 2 saylı sahə inzibati ərazi dairəsi üzrə nümayəndəsi Aytac Əliyeva YAP Binəqədi rayon təşkilatı Qadınlar Şurasına yeni sədr seçilib. Eyni zamanda, YAP Binəqədi rayon təşkilatı Qadınlar Şurasının sədr müavinləri, İdarə Heyətinin yeni tərkibi, həmçinin, YAP Qadınlar Şurasının növbəti konfransına nümayəndələr seçilib.
Tədbirdə çıxış edən Binəqədi rayon İcra Hakimiyyətinin başçısı Xaləddin İsgəndərov konfransın Ulu öndər Heydər Əliyevin anadan olmasının 91-ci ildönümünün və Heydər Əliyev Fondunun yaradılmasının 10 illiyinin qeyd edildiyi bir vaxta təsadüf etməsini əlamətdar hadisə kimi qiymətləndirib. Natiq, eyni zamanda, qadınların ölkənin və rayonun ictimai-siyasi həyatındakı rolundan, həmçinin, rayonda qadınlara göstərilən diqqət və qayğıdan danışıb. Binəqədi rayon İcra Hakimiyyətinin başçısı sonda yeni tərkibdə seçilmiş Qadınlar Şurasının üzvlərinin fəal olmalarının vacibliyini də vurğulayıb.

Paylaş:
Baxılıb: 934 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

MEDİA

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30