Masallılıların seçimi Yeni Azərbaycan Partiyasının namizədləri olacaq

Bakı:

14 °C

77 %

9 m/s

Əlaqə

AZ RU EN

Ana səhifə / YAP xəbərləri / Masallılıların seçimi Yeni Azərbaycan Partiyasının namizədləri olacaq

Masallılıların seçimi Yeni Azərbaycan Partiyasının namizədləri olacaq

05.12.2014 [10:01]

Dekabrın 23-də keçiriləcək bələdiyyə seçkilərinə namizədliyi irəli sürülmüş şəxslərin təmsil olunduğu partiyalar tərəfindən təbliğat-təşviqat kampaniyasına başlanıb. Dünən belə görüşlərdən biri də Yeni Azərbaycan Partiyası (YAP) Masallı rayon təşkilatında YAP tərəfindən namizədliyi irəli sürülmüş şəxslərlə seçki qərargahının üzvləri arasında baş tutub.
Tədbiri YAP Masallı rayon təşkilatının sədri Seyfəddin Əliyev açaraq bələdiyyə seçkilərinə start veriləndən təşviqat işlərinə başlanan dövrə qədər görülmüş işlər barədə qonaqlara ətraflı məlumat verərək qarşıdan gələn bələdiyyə seçkilərinin siyasi-hüquqi, sosial və mədəni əhəmiyyətindən danışıb.
YAP İdarə Heyətinin üzvü, partiyanın İcra Katibliyinin məsul əməkdaşı Kərim Kərimov çıxış edərək qeyd edib ki, YAP alternativsiz siyasi qüvvədir və Azərbaycanın siyası arenasında özünəməxsus, əvəzolunmaz yer tutur. Çıxışında partiyanın bələdiyyə seçkiləri ilə əlaqədar həyata keçirdiyi işlərdən söhbət açan K.Kərimov həmçinin, əlavə edib ki, ölkəmizdə həyata keçirilən iqtisadi siyasət siyasi sabitliyi şərtləndirir.
YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə isə bələdiyyə institutunun mahiyyəti və fəaliyyət mexanizmindən bəhs edərək iştirakçıların diqqətinə çatdırıb ki, bələdiyyə qanunla müəyyən edilmiş ərazi hüdudları daxilində yerli özünüidarəetmə formasıdır: “Azərbaycanda bələdiyyə institutu milli qanunvericiliyə əsasən təşəkkül tapıb və səmərəli fəaliyyət mexanizminə malikdir. Bələdiyyələr Azərbaycan Respublikası Konstitusiyası ilə və bu sahədəki qanunlarla səlahiyyətlərinə aid edilmiş yerli əhəmiyyətli məsələləri müstəqil surətdə həll edir. Sakinlərlə də ən sıx əlaqədə olan orqan məhz bələdiyyələrdir. Bu gün istər Bakımızın, istərsə də rayonlarda bələdiyyələrin fəaliyyəti nəticəsində qəsəbələrarası, məhəllədaxili yollar asfaltla örtülür, yaranan problemlər tez bir zamanda öz həllini tapır. Məndə sizi öz növbəmdə YAP-ın namizədlərinə səs verməyə, hər zaman möhtərəm Prezidentimiz İlham Əliyevin Sədri olduğu partiya ətrafında sıx birləşməyə dəvət edirəm”.
Milli Məclisin deputatı Nəriman Əliyev bildirib ki, bələdiyyələrə seçkilər vətəndaşların qanunla müəyyənləşdirilmiş seçki hüquqları təmin edilməklə ümumi, bərabər, birbaşa seçki hüququ əsasında sərbəst, şəxsi və gizli səsvermə yolu ilə həyata keçirilir.
Görüşdə Prezident təqaüdçüsü Şirvan Əbilov, rayon Ağsaqqallar Şurasının sədri Cavanşir Əsədov və digərləri çıxış edərək bələdiyyə seçkilərində partiyanın namizədlərinin qalib gələcəklərinə əminliklərini ifadə edərək bu seçkilərdə də YAP-ın qələbəsinin şəksiz olduğunu bildiriblər.

Paylaş:

Baxılıb: 890 dəfə