YAP Saatlı rayon təşkilatı imzatoplama kampaniyasını uğurla başa çatdırıb

Bakı:

24 °C

47 %

1 m/s

Əlaqə

AZ RU EN

Ana səhifə / YAP xəbərləri / YAP Saatlı rayon təşkilatı imzatoplama kampaniyasını uğurla başa çatdırıb

YAP Saatlı rayon təşkilatı imzatoplama kampaniyasını uğurla başa çatdırıb

07.11.2009 [11:05]

Yeni Azərbaycan Partiyasının (YAP) digər rayon təşkilatları kimi Saatlı rayon təşkilatı da dekabrın 23-də keçiriləcək bələdiyyə seçkilərinə yüksək səviyyədə hazırlaşır. Bu barədə rayon təşkilatının sədri Lütvəli Şıxəliyev məlumat verib. Onun sözlərinə görə, Milli Məclisdə bələdiyyələrin birləşdirilməsi ilə bağlı qanun qəbul olunduqdan sonra Saatlıda da bir neçə bələdiyyə birləşdirilib. Hazırda rayonda 36 bələdiyyə fəaliyyət göstərir. Seçkilərdə isə bu bələdiyyələrə 324 nəfər üzv seçiləcək. YAP Saatlı rayon təşkilatı bütün yerlərə öz namizədlərini irəli sürüb. Artıq namizədlərin imzatoplama kampaniyası uğurla başa çatıb və onlar müvafiq seçki komissiyaları tərəfindən qeydiyyata alınıblar: “özünüidarəetmə orqanları bir struktur kimi Azərbaycanda 1999-cu ildə yaradılıb və tarix baxımından bu qurumları gənc də hesab etmək olar. Ona görə də, bəzi hallarda təcrübəsizlik öz sözünü deyib və qüsurlar ortaya çıxıb. Amma son illər ərzində qanunvericilikdə edilən dəyişikliklər və əldə olunmuş təcrübə onu deməyə əsas verir ki, artıq növbəti illərdə bələdiyyələrin daha effektiv fəaliyyətinin şahidi olacağıq. Yeni Azərbaycan Partiyası bu seçkilərdə həm də bələdiyyələrin işinin keyfiyyətinin yüksəldilməsi üçün tədbirlər həyata keçirməyi də düşünür”.
Yarandığı tarixdən 4 prezident, 3 parlament və 2 bələdiyyə seçkilərində iştirak etmiş və yüksək nəticə əldə etmiş Yeni Azərbaycan Partiyasının bu seçkilərdə də qələbə qazanacağına inandığını söyləyən L.Şıxəliyev deyib ki, bu bütün Azərbaycan xalqının düşüncəsidir: “Yeni Azərbaycan Partiyası bu gün nəinki Azərbaycanın, eləcə də, regionun ən böyük və mütəşəkkil partiyasıdır. Təkcə bu fakt özü belə seçkilərin nəticələri ilə bağlı proqnozlar səsləndirməyə imkan verir. Bundan başqa, seçkilərin nəticələrini birbaşa təyin edən xalqın iradəsi faktoru da YAP-ın xeyrinədir. Azərbaycan xalqı Ulu öndər Heydər Əliyevin əsasını qoyduğu və bu gün cənab Prezident İlham Əliyevin rəhbərlik etdiyi YAP-a böyük etimad göstərir. Bu sevgi, etimad isə qarşılıqlıdır. YAP da hakim partiya kimi gördüyü işlərlə, üzərinə götürdüyü missiya ilə xalqın inamını doğruldub və bundan sonra partiyamızla xalqımız arasındakı bu birlik daha da möhkəmlənəcək”.
YAP Saatlı rayon təşkilatının Qadınlar Şurasının sədri Natəvan İmanzadə isə deyib ki, Azərbaycan cəmiyyətinin fəal üzvləri kimi qadınlarımız baş verən proseslərdə, dövlət quruculuğu işində daim öz sözlərini deyiblər. Elə bu bələdiyyə seçkilərində də qadınların üzərinə böyük məsuliyyət düşür. Bunu nəzərə alaraq, Yeni Azərbaycan Partiyası qadınlarımızın prosesdə fəallığını artırmaq üçün ideya və təkliflərlə çıxış edib, təşəbbüs irəli sürüb. YAP Saatlı rayon təşkilatı da partiyamızın İcra Katibliyinin təlimatlarına uyğun olaraq, bələdiyyə seçkilərində irəli sürülmüş namizədlər sırasında qadınların sayının artırılması yönündə də iş aparıb. N.İmanzadənin sözlərinə görə, rayon təşkilatı tərəfindən namizədliyi irəli sürülmüş 324 nəfərin təxminən 33 faizini (98 nəfər) qadınlar təşkil edir. Bu qadınların rayonun ictimai həyatında fəallıqları ilə seçildiklərini, eyni zamanda, yaşadıqları ərazidə nüfuz sahibi olduqlarını dilə gətirən N.İmanzadə vurğulayıb ki, bələdiyyə seçkilərində onların yüksək faizlə qalib gələcəyinə inanır.
YAP Saatlı rayon təşkilatı aparat rəhbəri Vüqar Astanov isə gənclərin seçkilərə yüksək maraq göstərməsini təqdir edib: “Biz gənclər daima Prezidentimizin diqqət və qayğısını üzərimizdə hiss edirik. Bu gün gənclər üçün geniş imkanlar açılıb. Gənclər, hətta dövlət vəzifələrində irəli çəkilirlər. Onların bələdiyyələrdə təmsilçiliyi artırmaq üçün partiyamızın İcra Katibliyi göstərişlər verib. Biz də bu təlimatlara uyğun olaraq, namizədləri müəyyənləşdirərkən fəal, bilikli və bacarıqlı gənclərin namizədliklərinin irəli sürülməsinə üstünlük verdik. Namizədlərin 100 nəfərini gənclər təşkil edir. Onların bu prosesdə yüksək nailiyyətlər qazanacağına və gələcək fəaliyyətlərində vicdanla, keyfiyyətlə xalqa xidmət edəcəklərinə inanırıq”.
AQŞİN

Paylaş:

Baxılıb: 1607 dəfə