YAP Xəzər rayon təşkilatında Azərbaycan Prezidenti İlham Əliyevin növbəti dəfə dövlət başçısı seçilməsinin bir illiyi ilə əlaqədar tədbir keçirilib

Bakı:

15°C

88%

2m/s

AZ RU EN

Ana səhifə / YAP xəbərləri / YAP Xəzər rayon təşkilatında Azərbaycan Prezidenti İlham Əliyevin növbəti dəfə dövlət başçısı seçilməsinin bir illiyi ilə əlaqədar tədbir keçirilib

YAP Xəzər rayon təşkilatında Azərbaycan Prezidenti İlham Əliyevin növbəti dəfə dövlət başçısı seçilməsinin bir illiyi ilə əlaqədar tədbir keçirilib

20.04.2019 [10:22]

Yeni Azərbaycan Partiyası (YAP) Xəzər rayon təşkilatında Xəzər rayon İcra Hakimiyyəti ilə birlikdə Azərbaycan Prezidenti İlham Əliyevin növbəti dəfə dövlət başçısı seçilməsinin bir illiyi ilə əlaqədar tədbir keçirilib.
Tədbiri giriş sözü ilə açan YAP Xəzər rayon təşkilatının sədri Namiq Əhmədov bildirib ki, dövlət başçısı İlham Əliyevin rəhbərliyi ilə həyata keçirilən uğurlu siyasət nəticəsində Azərbaycan son bir ildə iqtisadi, sosial, siyasi və digər sahələrdə çox mühüm nailiyyətlər əldə edib və ölkəmizin beynəlxalq aləmdə nüfuzu daha da artıb. 2018-ci ilin ən mühüm hadisəsi cənab İlham Əliyevin növbəti dəfə böyük səs çoxluğu ilə Prezident seçilməsi oldu. Azərbaycan xalqı yenidən cənab İlham Əliyevə yüksək etimad göstərdi və bir daha sabitliyə, inkişafa və tərəqqiyə səs verdi.
Tədbirdə çıxış edən Dövlət Sosial Müdafiə Fondunun Xəzər rayon şöbəsinin müdir əvəzi Malik Məmmədov qeyd edib ki, ötən ilin 11 aprelində keçirilən prezident seçkilərindən keçən bir il ərzində dövlət başçısının imzaladığı Fərman və sərəncamların mühüm bir hissəsi məhz əhalinin sosial müdafiəsinin əhəmiyyətli şəkildə gücləndirilməsi, sosial sahə üzrə müasir, şəffaf, çevik, optimal idarəçilik və xidmət mexanizmlərinin formalaşmasına istiqamətlənib. Əhalinin sosial müdafiəsi sahəsində əsaslı islahatların mühüm elementlərindən biri də ölkədə sosial təminat sisteminin yenidən qurulmasıdır. Bu sistem çərçivəsində ödənilən müxtəlif növ müavinət, təqaüd və digər sosial ödənişlərin davamlı artırılması əhalinin sosial müdafiəsinin gücləndirilməsinə əsaslı töhfə verib.
YAP Xəzər rayon təşkilatının sədr müavini, millət vəkili Rauf Əliyev çıxışında bildirib ki, 2018-ci il aprelin 11-də keçirilən prezident seçkilərində xalqın mütləq əksəriyyətinin səsini qazanaraq yenidən dövlət başçısı seçilmiş cənab İlham Əliyev tərəfindən qəbul edilən qərarlar sayəsində son bir ildə ölkədə bütün sahələr üzrə inkişaf uğurla davam edib, islahatlar cəmiyyətimizin daha çox sahələrini əhatə edib. Onun sözlərinə görə, 2019-cu ilin əvvəlindən sosial-iqtisadi sferada sistemli dəyişikliklər başlanıb. Prezident İlham Əliyevin yeni islahat kursu növbəti dəfə təsdiqləyir ki, o, hər bir Azərbaycan vətəndaşının Prezidentidir.
Milli Məclisin Əmək və sosial siyasət komitəsinin sədri Hadi Rəcəbli çıxışında bildirib ki, Prezident İlham Əliyevin rəhbərliyi ilə inkişafın Azərbaycan modeli formalaşıb. Onun sözlərinə görə, son 1 il müddətində atılan inqilabi addımlar nəticəsində bu model daha fərqli şəkildə özünü göstərməkdədir. Xüsusilə də sosial sahədə həyata keçirilən islahatlar, verilən qərarlar, imzalanan sənədlər bunu deməyə əsas verir.
Xəzər rayon İcra Hakimiyyətinin başçısı Elşən Salahov çıxış edərək bildirib ki, ötən bir il ərzində Prezident İlham Əliyevin rəhbərliyi ilə Azərbaycanda bütün sahələr daha da inkişaf edib. Onun sözlərinə görə, cənab Prezidentin diqqət və qayğısı nəticəsində Xəzər rayonu daha da inkişaf edib və rayonda bir çox sosial layihələr həyata keçirilib. Təkcə bu ilin əvvəlindən rayon ərazisində ümumi uzunluğu 50 km-dən çox küçə və yollara asfalt örtüyü çəkilib. Rayonda əhalinin içməli su ilə təminatının yaxşılaşdırılması məqsədi ilə müvafiq Dövlət proqramlarına uyğun olaraq işlər davam edir.
Daha sonra Elşən Salahov yaxın vaxtlarda rayonun qəsəbələrində həyata keçiriləcək müxtəlif sosial layihələr barədə tədbir iştirakçılarına məlumat verib.

Paylaş:

Baxılıb: 634 dəfə