Yeni Azərbaycan Partiyası Tərtər rayon təşkilatının yaranmasından 26 il ötür

Bakı:

11 °C

58 %

5 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Tərtər rayon təşkilatının yaranmasından 26 il ötür

Yeni Azərbaycan Partiyası Tərtər rayon təşkilatının yaranmasından 26 il ötür

26.07.2019 [08:13]

Yeni Azərbaycan Partiyası (YAP) Tərtər rayon təşkilatının yaranmasının 26-cı ildönümü münasibətilə tədbir keçirilib. Tədbir iştirakçıları əvvəlcə partiyanın yaradıcısı, Ümummilli Lider Heydər Əliyevin Tərtər şəhərinin mərkəzi meydanındakı abidəsi önünə gül dəstələri düzüb, xatirəsini ehtiramla anıblar.
Rayon təşkilatının Şura üzvləri, həmçinin Gənclər Birliyinin, Qadınlar Şurasının, Nəzarət-Təftiş Qrupunun üzvlərinin, ərazi ilk partiya təşkilat sədrləri və yerli mətbuatın nümayəndələrinin iştirak etdiyi tədbiri giriş sözü ilə açan rayon təşkilatının sədri Ramiz Şabanov qurumun 26 illik fəaliyyəti barədə ətraflı məlumat verib.
Bildirib ki, Ulu Öndər Heydər Əliyevin ideyalarının layiqli davamçısı Prezident İlham Əliyevin siyasi kursunu dəstəkləyən tərtərlilər partiya sıralarına həvəslə daxil olurlar: “1993-cü il iyulun 25-də yaradılan Yeni Azərbaycan Partiyası Tərtər rayon təşkilatının hazırda 6489 nəfər üzvü var. Partiya üzvlərindən 3489 nəfəri qadın, 1406 nəfəri gənclərdir. Cari ilin ötən dövründə partiya sıralarına 156 nəfər fəal, Heydər Əliyev ideyalarına, dövlətə və dövlətçiliyə sədaqəti ilə seçilən üzvlər qəbul olunub ki, onların da 84 nəfəri və ya 54 faizi gənclər, 83 nəfəri isə qadınlardır”.
Çıxış edən Tərtər rayon İcra Hakimiyyətinin başçısı Müstəqim Məmmədov YAP-ın yarandığı mürəkkəb tarixi-siyasi şəraitdən, keçdiyi çətin və şərəfli mübarizə yolundan, Ulu Öndər Heydər Əliyevin xalqın və dövlətin qarşısında göstərdiyi böyük xidmətlərdən danışıb. Bildirib ki, bu gün bu siyasətin Prezident, Yeni Azərbaycan Partiyasının Sədri İlham Əliyev tərəfindən uğurla həyata keçirilməsi nəticəsində ölkəmizdə bütün sahələrdə böyük nailiyyətlər qazanılır.
Tədbirdə həmçinin rayon təşkilatı Şurasının üzvlərindən Sahib Həsənov, Gülarə Əkbərova, rayon təşkilatı Qadınlar Şurasının üzvü Fitat Əliyeva, rayon təşkilatı Gənclər Birliyinin sədri Tunarə Məmmədzadə və başqaları çıxış edərək partiya üzvlərini rayon təşkilatının yaranmasının 26-cı ildönümü münasibətilə təbrik ediblər. Tarixi zərurətdən doğan və Ulu Öndər Heydər Əliyevin rəhbərliyi ilə yaradılan YAP-ın fəaliyyətə başladığı ilk gündən dövlətçilik, azərbaycançılıq, vətənə bağlılıq kimi ülvi prinsiplərə söykəndiyini deyən natiqlər ötən 26 il ərzində rayon təşkilatının keçdiyi uğurlu yola nəzər salıblar.
Sonda YAP sıralarına yeni qəbul olunmuş bir qrup gəncə partiya üzvlük vəsiqələri təqdim olunub.

Paylaş:

Baxılıb: 953 dəfə