YAP Şəmkir rayon təşkilatının X hesabat konfransı keçirilib

Bakı:

13 °C

82 %

5 m/s

Əlaqə

AZ RU EN

Ana səhifə / YAP xəbərləri / YAP Şəmkir rayon təşkilatının X hesabat konfransı keçirilib

YAP Şəmkir rayon təşkilatının X hesabat konfransı keçirilib

06.08.2021 [09:22]

Avqustun 5-də Yeni Azərbaycan Partiyası (YAP) Şəmkir rayon təşkilatının videoformatda X hesabat konfransı keçirilib.
Əvvəlcə Yeni Azərbaycan Partiyasının qurucusu, Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Gündəlik təsdiq edildikdən sonra YAP Şəmkir rayon təşkilatının sədri Fəxrəddin Vəliyev hesabat məruzəsi ilə çıxış edib. F.Vəliyev bildirib ki, fəaliyyətini partiyamızın rəhbərliyinin tövsiyə və tapşırıqlarına uyğun şəkildə quran YAP Şəmkir rayon təşkilatı üzərinə düşən vəzifələri layiqincə həyata keçirməyə çalışıb. Qeyd olunub ki, hazırda YAP Şəmkir rayon təşkilatı 112 ilk partiya təşkilatını özündə birləşdirir və üzvlərinin sayı 11 min 942 nəfərdir. Üzvlərin 7011 nəfərini qadınlar, 3905 nəfərini isə gənclər təşkil edir.
Sonra YAP Şəmkir rayon təşkilatı Nəzarət-Təftiş Qrupunun sədri Pərvin Gözəlovun hesabatı dinlənilib.
Konfransda Milli Məclisin deputatı Nizami Səfərov çıxış edərək Yeni Azərbaycan Partiyasının keçdiyi inkişaf yolu, partiyamızın Sədri, Prezident İlham Əliyevin uğurlu siyasətinin nəticələri, Vətən müharibəsində qazanılan möhtəşəm qələbə, eləcə də Şəmkir rayonunun sosial-iqtisadi inkişafı barədə fikirlərini bölüşüb.
Müzakirələr zamanı YAP Şəmkir rayon təşkilatı Gənclər Birliyinin sədri Emin İsmayılov, rayon təşkilatı Qadınlar Şurasının sədr əvəzi Qətibə Məmmədova, rayon təşkilatının Şura üzvləri Cavanşir Pirverdiyev, İlhamə İbrahimova və İlkin Musayev çıxış edərək təşkilatın hesabat dövrü ərzindəki fəaliyyətindən danışıblar.
Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, Ulu Öndər Heydər Əliyevin qurucusu olduğu Yeni Azərbaycan Partiyası ötən illər ərzində böyük inkişaf yolu keçib, ölkəmizin tərəqqisinə özünün mühüm töhfələrini verib. Partiyamızın öz fəaliyyətində daim yeniliklərə önəm verdiyini deyən Ə.Tağıyev qeyd edib ki, bu baxımdan VII qurultayda qəbul olunmuş qərarlar, partiyamızın Sədri, Prezident İlham Əliyevin qurultayda qarşıya qoyduğu hədəflər hər bir partiya üzvü üçün yeni vəzifələr müəyyənləşdirir.
X hesabat konfransının keçirilməsi münasibətilə YAP Şəmkir rayon təşkilatının üzvlərini təbrik edən Əhliman Tağıyev təşkilatın gələcək fəaliyyətində uğurlar arzulayıb.
Qeyd edək ki, konfransda YAP Şəmkir rayon təşkilatının hesabat dövründəki fəaliyyəti qənaətbəxş qiymətləndirilib.

Paylaş:

Baxılıb: 611 dəfə