“Davamlı İnkişaf Məktəbi” layihəsi çərçivəsində “Dövlət təhlükəsizliyi və korrupsiya ilə mübarizə elementləri” mövzusunda seminar keçirilib

Bakı:

10 °C

93 %

2 m/s

AZ RU EN

Ana səhifə / YAP xəbərləri / “Davamlı İnkişaf Məktəbi” layihəsi çərçivəsində “Dövlət təhlükəsizliyi və korrupsiya ilə mübarizə elementləri” mövzusunda seminar keçirilib

“Davamlı İnkişaf Məktəbi” layihəsi çərçivəsində “Dövlət təhlükəsizliyi və korrupsiya ilə mübarizə elementləri” mövzusunda seminar keçirilib

26.08.2021 [09:55]

Avqustun 25-də Yeni Azərbaycan Partiyasının (YAP) Mərkəzi Aparatında partiyanın Gənclər Birliyinin “Davamlı İnkişaf Məktəbi” layihəsi çərçivəsində “Dövlət təhlükəsizliyi və korrupsiya ilə mübarizə elementləri” mövzusunda seminar keçirilib.

Tədbiri açan YAP Gənclər Birliyinin sədri Bəxtiyar İslamov seminarda iştirak edən gəncləri salamlayıb, layihənin gənclər üçün əhəmiyyətindən, həmçinin mövzunun aktuallığından bəhs edib.

Tədbirdə çıxış edən YAP İdarə Heyətinin üzvü, Milli Məclisin deputatı Kamal Cəfərov “Davamlı İnkişaf Məktəbi” layihəsi çərçivəsində keçirilən seminarları yüksək dəyərləndirərək, belə layihələrin gənclərin inkişafında mühüm əhəmiyyətə malik olduğunu diqqətə çatdırıb. Bildirib ki, korrupsiyaya qarşı mübarizə Azərbaycanın dövlət siyasətinin əsas prioritetlərindəndir. Qeyd edib ki, 2002 və 2004-cü ildə Azərbaycan dövləti BMT-nin “Korrupsiya Əleyhinə” Konvensiyası, daha sonra Avropa Şurasının “Korrupsiya Əleyhinə” kovensiyalarını ratifikasiya edib. Bununla yanaşı, BMT-nin 2004-cü il tarixli “Korrupsiya Əleyhinə” Konvensiyasının 36-cı maddəsinin hər bir iştirakçı dövlətin öz hüquq sisteminin əsas prinsiplərinə uyğun olaraq korrupsiya ilə mübarizə aparmaq üçün ixtisaslaşmış orqanların mövcudluğunun təmin edilməsi barədə öhdəliyinin icrası qaydasında Azərbaycan Respublikası Prezidentinin 2004-cü ilin 3 mart tarixli “Korrupsiyaya qarşı mübarizə haqqında Azərbaycan Respublikasının Qanununun tətbiq edilməsi barədə” Sərəncamı əsasında Azərbaycan Respublikasının Baş prokuroru yanında Korrupsiyaya qarşı Mübarizə İdarəsi və Azərbaycan Respublikasının Korrupsiyaya qarşı mübarizə üzrə Komissiyası yaradılıb.

K.Cəfərov deyib ki, sonrakı mərhələdə ölkəmizdə beynəlxalq konvensiyaların tələblərinə uyğun olaraq korrupsiyaya qarşı mübarizə tədbirləri çərçivəsində mühüm qanunvericilik bazası yaradılıb, açıq hökumətin təşviqi sahəsində Dövlət proqramları, milli strategiyalar və fəaliyyət planları həyata keçirilib. Milli Məclisin deputatı bildirib ki, 2004-2006 illəri əhatə edən “Korrupsiyaya qarşı mübarizə” üzrə Dövlət Proqramı, 2007-2011-ci illərdə “Şəffaflığın artırılması və korrupsiyaya qarşı mübarizə üzrə Milli Strategiya və Milli Fəaliyət Planı, 2012-2015-ci illərdə “Açıq Hökumətin təşviqinə dair Milli Fəaliyyət Planı” və “Korrupsiyaya qarşı mübarizəyə dair Milli Fəaliyyət Planı” təsdiq edilib və icra olunub. Bundan başqa, ölkəmizdə “Açıq hökumətin təşviqinə dair 2016-2018-ci illər üçün Milli Fəaliyyət Planı”nın uğurlu icrası bu istiqamətdə mühüm nailiyyətlərin əldə olunmasına yol açıb. K.Cəfərov vurğulayıb ki, hazırda “Açıq hökumətin təşviqinə dair 2020-2022-ci illər üçün Milli Fəaliyyət Planı” icra edilir. Bundan başqa, elektron hökumətin tətbiqi, “ASAN xidmət”in yaradılması da ölkəmizdə korrupsiyanın qarşısının alınması istiqamətindəki mübarizə tədbirləri çərçivəsində əldə edilmiş mühüm nailiyyətlərdəndir.

Sonda tədbir iştirakçılarının çoxsaylı sualları cavablandırılıb.

Paylaş:

Baxılıb: 605 dəfə