İrimiqyaslı infrastruktur layihələr icra olunur

Bakı:

19 °C

55 %

3 m/s

Əlaqə

AZ RU EN

Ana səhifə / YAP xəbərləri / İrimiqyaslı infrastruktur layihələr icra olunur

İrimiqyaslı infrastruktur layihələr icra olunur

11.10.2022 [11:20]

YAP Ağdam rayon təşkilatının sədri

Mansur Quliyev

Ölkə Prezidenti cənab İlham Əliyev 5 oktyabr tarixində Ağdamda 44 ölkədən 130-dan çox nümayəndənin və ümumilikdə 400 nəfərdən çox insanın qatıldığı “Azərbaycan Milli Şəhərsalma Forumu”nun açılış mərasimində iştirakı və burada söylədiyi geniş məzmunlu nitqi böyük siyasi əhəmiyyətə malikdir. Forumdakı çıxışı zamanı Prezident İlham Əliyev 30 illik işğal dönəmində erməni vandalizminin buraxdığı izlər və törətdikləri dağıntılar barədə xarici dövlətləri təmsil edən qonaqlara ətraflı məlumat verdi.

Forumdakı çıxışı zamanı Prezident İlham Əliyev demişdir: “Ərazilər işğaldan azad edildikdən sonra xarici ekspertlər, jurnalistlər buraya gəldilər və Ağdama bir neçə ad verdilər. Bu adlardan biri “urbisid qurbanı” idi, bu da tamamilə doğru idi. Digər ad “ruhlar şəhəri” idi, bu da tamamilə doğrudur. Biri də “Qafqazın Xirosiması” idi” Doğurdanda ikinci Qarabağ müharibəsi başa çatandan sonra işğaldan azad edilmiş ərazilərə gələn hər kəs Ermənistanın işğalı və təcavüzünün nəticələrini öz gözləri ilə görür və şahidi olurlar.

İşğal zamanı digər işğal olunmuş rayonlarımız kimi Ağdamında milli mədəni irsinə və infrastrukturuna ciddi ziyan dəymişdir və bu ziyan milyardlarla dollarla ölçülür.

Bu gün Qarabağda irimiqyaslı infrastruktur layihələr icra olunur. Bərdə-Ağdam dəmir yolu gələn il istifadəyə veriləcək. Təsdiq olunmuş investisiya planına əsasən, işğaldan azad edilmiş Qarabağ və Şərqi Zəngəzur ərazisində ümumi uzunluğu 50 kilometrdən çox olan 33 tunel olacaq, uzunluğu 12 kilometr olan 84 yeni körpü salınacaq. Bütün azad olunmuş ərazilərdə elektrik təchizatı tamamilə bərpa edilib. Tezliklə Cəbrayılda 230 meqavat gücündə olan günəş elektrik stansiyasının tikintisinə başlanacaq.

Prezident cənab İlham Əliyevin Ağdam rayonuna səfəri zamanı yeni çəkilən Bərdə-Ağdam avtomobil yolunda aparılan işlərlə tanış oldu. Sonra Prezident İlham Əliyev və birinci xanım Mehriban Əliyeva Ağdam rayonunun Eyvazxanbəyli kəndində Atçılıq Nəsilartırma Mərkəzinin, Ağdam rayonunun Xıdırlı və Kəngərli kəndlərinin, şəhərin daxili yol və kommunikasiya şəbəkəsinin, City Hotel Agdam mehmanxanasının təməlqoyma mərasimlərində iştirak etdilər. Dövlət başçısı və birinci xanım Pənahəli Xanın Sarayı və İmarət Kompleksində görüləcək işlərlə tanış oldu, Xurşidbanu Natəvanın abidəsinin açılışında, Ağdam şəhərində keçmiş məcburi köçkünlər üçün inşa olunacaq 470 mənzildən ibarət yaşayış məhəlləsinin, şəhərin dəmir yolu və avtovağzal kompleksinin, rayonun Sarıcalı kəndinin təməlqoyma mərasimlərində iştirak etdilər.

Böyük qürur hissi ilə deyə bilərik ki, Ermənistan cəmi 44 günə Azərbaycan qarşısında diz çökdü, 30 illik münaqişəyə Azərbaycan öz gücü, qüdrəti ilə son qoydu və tarixi ədaləti bərpa etdi.

Paylaş:

Baxılıb: 624 dəfə