Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoyub

Bakı:

25 °C

57 %

7 m/s

AZ RU EN

Ana səhifə / YAP xəbərləri / Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoyub

Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoyub

13.03.2023 [14:44]

Bu gün Ulu Öndər Heydər Əliyevin banisi olduğu azərbaycançılıq məfkurəsi real müstəqilliyə nail olmaq, bütöv, bölünməz Azərbaycanı qoruyub saxlamaq, möhkəmləndirmək və gələcək nəsillərə ötürmək üçün əsas vasitədir. Dövlətçiliyini bərpa edən, azadlığına qovuşan Azərbaycan xalqının milli-mədəni inkişafı və ideologiyasının formalaşması da elə Ulu Öndərin müstəqil respublikamıza rəhbərlik etdiyi dövrə təsadüf edir. Azərbaycançılıq məfkurəsini milli ideologiyaya çevirən, cəmiyyətimizdə həmrəylik, mənəvi bütövlüyə nail olan Ümumilli Lider Heydər Əliyev hər zaman milli mənsubiyyəti ilə fəxr etmiş, milli-mənəvi dəyərlərə sadiq qalmışdır.
Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur.
Prezident İlham Əliyev tərəfindən Azərbaycan Respublikasında 2023-cü il “Heydər Əliyev İli” elan edilməsi dahi liderin xalqımız qarşısında olan zəngin xidmətlərinin bariz təcəssümüdür.
Təbii ki, Ulu Öndər Heydər Əliyevin Azərbaycan xalqı və müstəqil Azərbaycan dövləti qarşısında müstəsna dərəcədə böyük xidmətləri vardır. Növbəti dəfə hakimiyyətə gəlişi ilə Ulu Öndər Azərbaycanda dövlət müstəqilliyinin möhkəm təməllərini yaratmaqla ölkəmizin və xalqımızın böyük gələcəyinin, bu günkü qüdrətinin əsaslarını müəyyənləşdirmişdir.
Bəli, Azərbaycan dövlətçiliyi ona qarşı yönəlmiş qəsdlərdən uğurla çıxdı. Ümummilli Liderin qətiyyəti xalqa ruh yüksəkliyi gətirdi, inamımızı özümüzə qaytardı, sabitlik və əmin-amanlıq yaratdı.
Heydər Əliyev qeyd edirdi ki, “Bizim qarşımızda duran əsas məqsəd, vəzifə Azərbaycanın dövlət müstəqilliyini qoruyub saxlamaq və inkişaf etdirməkdən ibarətdir”. Dahi şəxsiyyət özünün yaratdığı möhkəm dövlətçilik sütunlarına və böyük təcrübəsinə güvənən siyasətçi kimi bildirmişdir ki, Azərbaycanın dövlət müstəqilliyi dönməzdir, əbədidir.
Ulu Öndər Heydər Əliyevin dövlət və xalq qarşısındakı tarixi xidmətləri onun fəaliyyətinin bütün mərhələlərini əhatə edir.
Qüdrətli siyasi xadim çıxışlarında vurğulayırdı ki, “Biz müstəqil Azərbaycan dövləti yaradırıq və onu elə yaratmalıyıq ki, daim yaşasın, heç bir qüvvə onu heç vaxt heç yana əyə bilməsin, heç bir dövlət gəlib bizim, Azərbaycan xalqının milli azadlığını, müstəqilliyini əlindən ala bilməsin. Bunun üçün də hər kəs bu müstəqilliyi qorumaqdan ötrü sadiq olmalı və öz şəxsi mənafeyini milli mənafedən aşağı tutmalıdır. Milli mənafe, dövlət mənafeyi hər şeydən üstün olmalıdır.”
Dahi lider Azərbaycan naminə bütün fəaliyyəti zamanı milli ideologiyanın yaradılmasına xüsusi diqqət yetirmişdir.
“Gərək hər bir evdə Azərbaycan dövlətinin bayrağı olsun, hər bir ailə Azərbaycan bayrağına itaət etsin. Bu bayraq tək rəsmi yerlərdə yox, idarələrdə, küçələrdə, saraylarda, məktəblərdə yox, gərək hər bir ailənin həyatının əziz bir hissəsi olsun.”- deyən Ulu Öndər gənclər arasında milli-mənəvi dəyərlərin qorunması istiqamətndə işlər görülməsini, onlarda vətənpərvərlik və vətəndaşlıq hissləri gücləndirilməsini daim dövlət siyasətinin tərkib hissəsi hesab etmişdir.
Əlbəttə ki, bu gün hər birimizin müqəddəs borcu müstəqil dövlətimizin qədrini bilmək, onu qorumaq, inkişaf etdirmək dünyanın inkişaf etmiş ölkələri səviyyəsinə qaldırmaqdan ibarətdir.
Müstəqilliyi əldə etmək, dövlətin tam müstəqil olmasına nail olmaq üçün xalqımız çətin yollardan keçmişdir. Ancaq müstəqilliyi əldə saxlamaq, onu möhkəmləndirmək, dövlətin tam müstəqilliyinə nail olmaq və bütün vətəndaşlara müstəqil dövlət şəraitində layiqli həyat tərzi təmin etmək daha çətindir.
Məhz Ulu Öndər Heydər Əliyevin qətiyyətli xarici və daxili siyasət kursunun təməlləri üzərində inkişaf edən Azərbaycan artıq dünya miqyasında tanınıb, beynəlxalq təşkilatlarda öz layiqli yerini tutub, öz sözünü cəsarətlə demək qüdrətindədir. Əsası görkəmli dövlət xadimi Heydər Əliyev tərəfindən qoyulmuş müstəqil siyasət xətt düşünülmüş prinsiplər əsasında hazırda Prezident İlham Əliyev tərəfindən uğurla davam etdirilir.
Bu gün Azərbaycan işğal altında olan torpaqlarını azad etməklə müstəqilliyimizə olan təhdidləri məhv etmiş, suverenliyimizi təmin etmiş, demokratik dövlət quruculuğu yolunda inkişafın zirvəsinə çatmışdır.

Həbib Misirov
YAP Kəlbəcər rayon Təşkilatının sədri