İspaniyanın "Barselona" komandası futbolçusu Frenki de Yonqla müqavilənin müddətini uzadıb.

AZƏRTAC klubun rəsmi saytına istinadən xəbər verir ki, niderlandlı yarımmüdafiəçi ilə yeni sözləşmə 2029-cu ilədək nəzərdə tutulub.

Qeyd edək ki, 2019-cu ildən Kataloniya təmsilçisində çıxış edən Frenki de Yonq bu müddət ərzində İspaniya La Liqasında 183 oyunda 14 qol və 16 məhsuldar ötürmə ilə yadda qalıb. O, hazırda komandanın kapitanıdır.