ABŞ Kaliforniya ştatının şimalındakı Kape Mendokino bölgəsi yaxınlığında zəlzələ baş verib. yeniazerbaycan.com Türkiyənin “Milliyyət” qəzetinə istinadən xəbər verir ki, baş verən yeraltı təkan yerli vaxtla saat 12:10-da hiss edilib.

ABŞ Geoloji Xidməti (USGS) 6,2 bal gücündə zəlzələnin episentrinin Kaliforniya ştatının Humboldt qraflığının Lost Koast bölgəsi yaxınlığında, Sakit Okeanın 9 km dərinliyində olduğunu bildirib.

Baş verən zəlzələdən sonra rayonda xəsarət alan olmasa da, yaranan sürüşmə səbəbindən iki yolun nəqliyyata bağlandığı açıqlanıb. Yerli idarələr sunami ilə bağlı heç bir xəbərdarlıq etməyiblər.