Avstraliyanın Tasmaniya əyalətində ibtidai məktəbdə açıq havada keçirilən əyləncə böyük faciəyə səbəb olub. yeniazerbaycan.com Türkiyənin “Hürriyyət” qəzetinə istinadən xəbər verir ki, dəhşətli hadisədə məktəb bağçasında qurulan hava ilə doldurulan “qala”da əylənərkən baş verən güclü külək nəticəsində həyatını itirən uşaqların sayı 6-ya çatıb.
Küləyin havaya qaldırıldığı “qala”da 10 metr hündürlükdən yıxılan 9 uşaqdan 5-i həlak olub. Xəstəxanada müalicə olunan 11 yaşlı uşağın da həyatını itirməsi ilə ölənlərin sayı 6-ya çatıb. Müalicəsi davam edən iki uşağın səhhətinin vəziyyəti ağırdır.
Polis ibtidai siniflərdə tədrisin son günündə keçirilən tədbirdə 40 uşaq, o cümlədən çoxlu müəllim və valideynin iştirak etdiyini bildirib.
30 mindən az əhalisi olan sahilyanı Devonport şəhərində baş verən qəza Avstraliya ictimaiyyətini şoka salıb.