Boksçumuz Avropa çempionu oldu və qələbəsini şəhidlərə həsr etdi

Boksçumuz Avropa çempionu oldu və qələbəsini şəhidlərə həsr etdi

Azərbaycan boksçusu Nicat Hüseynov Avropa çempionu adını qazanıb. O, bu titula Xorvatiyanın Poreç şəhərində keçirilən 22 yaşadək boksçular arasında qitə birinciliyində yiyələnib. Boksçumuz rəqibini 5:0 hesabı ilə məğlub edərək, qızıl medala layiq görülüb.

"Qələbəmi 44 günlük Vətən Müharibəsinin şəhidlərinə həsr edirəm. Biz həmişə onlara borcluyuq. Ən böyük zəfəri onlar qazanıblar", - deyə həmyerlimiz söyləyib.

Qeyd edək ki, Avropa çempionatına 7 boksçu ilə yollanan milli komanda yarışı 1 qızıl, 1 gümüş və 2 bürünc medalla başa vurub. Yığma bununla da Azərbaycan boks tarixinin rekordunu təkrarlayıb.