“Sumqayıt” klubunun yeni baş məşqçisi Azərbaycana sabah gələcək

“Sumqayıt” klubunun yeni baş məşqçisi Azərbaycana sabah gələcək

Futbol üzrə Azərbaycan çempionatında qış fasiləsinə 7-ci yerdə yollanan “Sumqayıt” məşqləri bərpa edir. Klubun mətbuat xidmətindən “Yeni Azərbaycan”a verilən məlumata görə, transfer fəaliyyətinə başlayan komanda öncə iki futbolçu ilə yollarını ayırıb. 

Belə ki, iranlı hücumçu Səid Rzanın ardınca, yarımmüdafiəçi Roman Hüseynov da komandadan göndərilib.  
 
“Sumqayıt”ın yeni baş məşqçisi Aleksey Baqa isə komandaya sabah təqdim olunacaq. “Gənclik şəhəri” təmsilçisi 2,5 il müddətinə müqavilə bağladığı 40 yaşlı belaruslu mütəxəssisin iştirakı ilə yaxın günlərdə mətbuat konfransı keçirməyi planlaşdırır.

A.Baqa əvvəl işlədiyi klublarda köməkçisi olmuş ukraynalı mütəxəssis Vitali Tarasenkonu da özü ilə “Sumqayıt”a gətirəcək.