Bu ilin sonunda keçiriləcək bələdiyyə seçkiləri ilə bağlı Mərkəzi Seçki Komissiyasının (MSK) normativ aktlardan ibarət daha iki toplusu işıq üzü görüb. Qurumun mətbuat xidmətindən APA-ya daxil olan məlumata görə, toplulardan birində bələdiyyə seçkilərinin keçirilməsi ilə bağlı normativ xarakterli aktlar, digərində isə ümumilikdə seçkilərə (referenduma) aid müxtəlif təlimatlar, qayda və izahlar yer alıb. Hazırda həmin toplular Mərkəzi Seçki Komissiyası tərəfindən aşağı seçki komissiyalarına çatdırılır.
Qeyd edək ki, bu nəşrlərdən öncə MSK normativ xarakterli aktlardan ibarət dörd toplunu çap etdirərək aşağı seçki komissiyalarına çatdırıb.