“Dağlıq Qarabağ münaqişəsinin nizamlanması ayrıca prosesdir və heç bir digər proseslə əlaqəsi yoxdur”. APA-nın məlumatına görə, bu fikirlər ATƏT-in Minsk qrupu həmsədrlərinin regiona səfərə gəlməzdən əvvəl yaydığı birgə bəyanatda öz əksini tapıb. Vasitəçilər öz ölkələri tərəfindən verilmiş bəyanatları bir daha təkrarlayıblar: “Bildiririk ki, Dağlıq Qarabağ münaqişəsinin nizamlanması ayrıca prosesdir və heç bir digər proseslə əlaqəsi yoxdur. Həmsədrlər bir daha öz ölkələri tərəfindən verilmiş bəyanatları təsdiqləyərək bildirir ki, Minsk prosesi ayrıca prosesdir, heç bir ilkin şərt irəli sürülmədən, müvafiq zaman çərçivəsində öz fərdi məntiqinə uyğun şəkildə davam etməlidir”.