"Əgər hansısa dərman vasitələri dəyərindən baha qiymətə satılırsa, bu, istehsalçı hüquqlarının pozulması deməkdir. Apteklər dərmanların satışı ilə bağlı Tarif Şuranın müəyyən etdiyi qiymətlərdən yuxarı qiymətə satmaq hüququna malik deyil.
Bu fikirləri Yeni Azərbaycan" - a açıqlamasında sosial məsələlər üzrə ekspert İlqar Hüseynli " bildirib.
"Azərbaycanda bəzi şirkətlər var ki, pərakəndə satışla məşğul olaraq eyni zamanda bəzi apteklərdə minimal qiymətlərə endirməklə fərqli formada satışlar həyata keçirirlər".
İ.Hüseynli bildirir ki, qiymət faktoruna təsir göstərən digər amil istehsalçı müxtəlifliyidir: "Məsələn, Rusiyanın istehsalı olan dərmanlar, Avropadan gətirilən dərmanlara baxanda nisbətən ucuzdur. Eyni zamanda həmin ölkələrin bazarlarında qiymətlər fərqli şəkildə təyin edilir.
Ucuz satılan dərmanların insan orqanizmi üçün zərərlərinə gəldikdə isə buna uyğun olaraq laboratoriya proseslər aparılmalıdır."
Onu da qeyd edək ki, ölkəmizə gətirilən hər bir dərman preparatı səhiyə Nazirliyi tərəfindən analizlərdən keçirdilir və uyğunluq sertifikatı verildikdən sonra satışa çıxarılır.
Havar Şəfiyeva