Ermənistan hərbçisi naməlum səbəbdən aldığı güllə yarasından ölüb

Ermənistan hərbçisi naməlum səbəbdən aldığı güllə yarasından ölüb

İyulun 3-də Ermənistan silahlı qüvvələrində müqavilə əsasında xidmət edən əsgər Sarkis Arturoviç Xaçatryan müəmmalı şəkildə aldığı güllə yarasından ölüb.

Bu barədə Ermənistan Müdafiə Nazirliyi məlumat yayıb.

Bildirilir ki, hadisə nazirliyin N saylı hərbi hissəsinin mühafizə zolağında baş verib. Nazirlik hadisənin başvermə səbəblərini araşdırır.

Ermənistan mətbuatının məlumatına görə, erməni əsgərlərin, xüsusən də müqavilə əsasında xidmət edən əsgərlərin qeyri-müəyyən şəraitdə ölməsi ilk hadisə deyil. Bu il ərzində artıq bir neçə belə hadisə qeydə alınıb. Nazirlik isə hələ də araşdırma aparır.