Ölkə üzrə 1 000 seçki məntəqəsində - ümumi seçki məntəqələrinin 20 faizində veb-kameralar quraşdırılıb. Secki-2024.az saytı xəbər verir ki, bunu Mərkəzi Seçki Komissiyasının sədri Məzahir Pənahov jurnalistlərə açıqlamasında deyib.
“Bu seçkilərdə veb-kamera quraşdırılan məntəqələrin sayı əvvəlki seçkilərlə müqayisədə 3 faizə qədər çoxdur. Məntəqələrə veb-kameraların quraşdırılması 2010-cu ildə Azərbaycan Prezidentinin özünün ideyası idi. O zamandan bu təcrübə tətbiq edilir”,- deyə MSK sədri qeyd edib.