Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin Qaradağ rayonu üzrə Seçki Qərargahının üzvləri təbliğat-təşviqat işlərinə start verib. Seçki Qanunvericiliyinin tələblərinə uyğun olaraq Qaradağ rayonu üzrə fəaliyyət göstərən 2 dairə və 53 məntəqə üzrə müəyyənləşmiş işçi qrupları artıq təbliğat-təşviqat kampaniyası çərçivəsində nəzərdə tutulan vəzifələrin icrasına başlayıblar. Qaradağ rayonunda YAP-ın prezidentliyə namizədinin təbliğat-təşviqat plakatlarının yerləşdirilməsi kampaniyasında müəyyənləşmiş qruplar fəaliyyətlərini qrafik üzrə qurublar. Eyni zamanda, təbliğat-təşviqat kampaniyasında YAP Qaradağ rayon təşkilatı Gənclər Birliyi, könüllülər fəal iştirak edir. Qanunvericiliyin tələblərinə uyğun formada Qaradağ üzrə Seçki Qərargahında təbliğat və təşviqat kampaniyası uğurla davam edir.
AQŞİN