Dünən Yeni Azərbaycan Partiyası İdarə Heyətinin növbəti iclası keçirilib. İclasda Yeni Azərbaycan Partiyasının son aylardakı fəaliyyəti və qarşıda duran vəzifələr haqqında ətraflı fikir mübadiləsi aparılıb. İclasda gündəliyə uyğun olaraq, ümummilli lider Heydər Əliyevin anadan olmasının 87-ci ildönümünün qeyd edilməsi ilə bağlı keçiriləcək tədbirlər müzakirə olunub. Həyata keçiriləcək tədbirlərin coxşaxəli olmasının və cəmiyyətin bütün təbəqələrini əhatə etməsinin zəruriliyi xüsusi olaraq vurğulanıb. İdarə Heyətinin iclasında, həmçinin, Yeni Azərbaycan Partiyasının rayon, şəhər təşkilatlarının aparat işçilərinin cari ilin mart-aprel aylarında keçirilmiş attestasiyasının nəticələri təhlil olunub.