“Göyçə-Zəngəzur Respublikası” - xəstə təxəyyül, yoxsa düşünülmüş təxribat...
24.09.2022 [10:20]
Bu cür avantürist ideyalar ümumi işimizə ziyan verir
Türkiyədə “elan edilmiş” “Göyçə-Zəngəzur Respublikası” Azərbaycanın milli mənafeyinə və maraqlarına qarşı növbəti təxribatdır. Hazırki həssas dönəmdə, Zəngəzur dəhlizinin açılması və Ermənistanla sülh müqaviləsinin imzalanması kimi məsələlərin əsas müzakirə predmeti olduğu dövrdə belə bir özfəaliyyət yalnız və yalnız Azərbaycana qarşı olan xarici güclərin maraqlarına xidmət edir. Nəzərə alınmalıdır ki, bu “respublikanı” yaradan Rizvan Talıbov da cəmiyyətdə yalnız mənfi əməlləri ilə “şöhrət” qazanıb. Onun hansı mənbələrə xidmət etdiyi isə birmənalı şəkildə prosesdən bəlli olur. Onun fəaliyyəti hazırki mürəkkəb və həssas tarixi mərhələdə birmənalı şəkildə Azərbaycanın əleyhinə yönəlib. Bu isə yolverilməzdir.
Qeyd edək ki, R.Talıbovun əməlləri ilə bağlı istər cəmiyyətdə, istərsə də KİV-də kifayət qədər məlumatlar var. Rizvan Talıbov adlı şəxsin “Göyçə-Zəngəzur Respublikası” avantürası Azərbaycanın əsl məqsəd və hədəfləri ilə bağlı yanlış rəy formalaşdırmaq məqsədi güdür. İlk dəfə təxminən bir il bundan öncə belə bir ideya ortaya atıldı, lakin heç bir rezonans doğurmadı. Bu günlərdə həmin avantüranın yenidən gündəmə gətirilməsi bunun məqsədli şəkildə ictimai rəyə sırındığını deməyə əsas verir.
Rizvan Talıbov nəyə və kimə xidmət edir?
Vaxtilə xuliqanlıq (CM-nin 221.2 maddəsi) maddəsi ilə ittiham olunaraq 4 il həbs cəzası alan bu şəxsin faktiki olaraq Qərbi Azərbaycanla bağlı heç bir elmi biliyi, heç bir araşdırması yoxdur, Qərbi Azərbaycanın nə tarixini, nə də coğrafiyasını bilir. Onun ətrafında isə bir nəfər də ciddi adama rast gəlmək mümkün deyil, adlarını çəkdiyi, “vəzifə”yə qoyduğu, “struktur”lara daxil etdiyi adamların çoxunun heç bundan xəbəri də yoxdur. Bu il iyulun 24-də Rizvan Talıbov Türkiyənin Batman şəhərindən Mehmet Ali Arslan adlı şəxsi özünə “vitse-prezident təyin edib” və onu “Kürdistan İslami Adalet Partisi” genel başkanı Mamusta Ali Bapirlə danışıqlar üçün İraqa “göndərib”. Bu danışıqlar isə süni şəkildə bu prosesə önəm verilməsi, arzuolunmaz elementlərin daxil edilməsi yolu ilə ideyanın coğrafiyasının daha da genişləndirilməsi məqsədi daşıyır. Ankarada “Göyçə-Zəngəzur Respublikası”nın ilk bürosunun açılışı, o cümlədən açılışda Mehmet Ali Arslanın Zəngəzuru Osmanlı torpağı elan etməsi də ziyanlı və arzuolunmaz iddialardır.
Qərbi Azərbaycan İcması “Göyçə-Zəngəzur Respublikası” adlı bir qurumu tanımır”
Məsələnin avantüra xarakteri daşıması Qərbi Azərbaycan İcmasının bəyanat verməsinə də səbəb olub. Bəyanatda deyilir: “Son zamanlar “Göyçə-Zəngəzur Respublikası” adlı qurum adından müxtəlif məsuliyyətsiz paylaşımlar edilir. Bununla bağlı Qərbi Azərbaycan İcmasına çoxsaylı müraciətlərin daxil olduğunu nəzərə alaraq bildiririk ki, Qərbi Azərbaycan İcması “Göyçə-Zəngəzur Respublikası” adlı bir qurumu tanımır, onunla heç bir əlaqəsi yoxdur və tarixi torpaqlarımızla bağlı belə özfəaliyyət hərəkətlərini yolverilməz və zərərli hesab edir. Bütün media nümayəndələrindən xahiş edirik ki, Qərbi Azərbaycanla bağlı hər hansı bir informasiyanın dəqiqliyinə əmin olmaq üçün Qərbi Azərbaycan İcmasına müraciət etsinlər”.
“Özündən “respublika” elan etmək gülməli səslənir”
Məsələ ilə bağlı fikirlərini bölüşən Böyük Quruluş Partiyasının sədri, Milli Məclisin deputatı Fazil Mustafa bildirib ki, bu “qurumu” yaradanın ictimai çəkisi bəllidir və ideya cəmiyyətdən gələn tələbatı, sosial sifarişi özündə əks etdirmir. Onun sözlərinə görə, bu cür təşəbbüslər illər boyu olub və heç bir effekt də verməyib, uzun müddət yaşamayıb: “Sadəcə, marginal qruplar formatında varlıq göstərməyə çalışıblar. Amma ictimai həyatda heç bir rol oynaya bilməyiblər. Hazırki məsələ də ictimai həyatda elə bir rol oynayacaq mahiyyətdə deyil. İndi hər bir vətəndaş özündən götürüb öz xəyalına uyğun nəsə qura bilər. Amma bu cəmiyyətdən gələn sifariş olmadığı üçün onun yaşamaq, mövcudluq imkanları real deyil. O baxımdan da, bu tip addımlar ciddi qəbul edilməyən bir yanaşmadır”.
Millət vəkili vurğulayıb ki, bu, hər bir halda naşı yanaşmadır. “Fikrimcə, bu tip məsələlərdə ciddiliyi qorumaq lazımdır. Dövlətlə uzlaşdırılmış formada addımlar atılması ümumi işimizin ancaq xeyrinə ola bilər. Uzlaşmayan addımların atılması isə problem yarada bilər. Məsələn, bu yaxınlarda Qərbi Azərbaycan İcması yaradıldı. Bu, həmin problemin diqqət mərkəzinə gətirilməsi üçün vacib idi. Bu baxımdan da, dövlətlə uzlaşmalı olan addımların atılması daha məqsədəuyğundur. “Respublika” yaradan insanlar cəmiyyətdə fikir, ideya ortaya qoymuş deyillər. Mənim üçün bu, daha çox “mən də varam” demək naminə atılan addımdır. Özündən “dövlət” elan etmək, onun rəhbərliyini təyin etmək bir az gülməli səslənir. Bu, quru, altı boş bir ideyadan o tərəfə gedən bir şey deyil”, -deyə F.Mustafa əlavə edib.
P.İSMAYILOV
Xəbər lenti
Hamısına baxXəbər lenti
17 Aprel 21:00
Xəbər lenti
17 Aprel 20:15
Xəbər lenti
17 Aprel 18:15
Xəbər lenti
17 Aprel 17:08
Xəbər lenti
17 Aprel 16:40
Xəbər lenti
17 Aprel 15:34
Xəbər lenti
17 Aprel 15:31
Siyasət
17 Aprel 15:01
Xəbər lenti
17 Aprel 14:48
Siyasət
17 Aprel 14:34
Dünya
17 Aprel 14:26
Xəbər lenti
17 Aprel 14:17
Siyasət
17 Aprel 14:07
Xəbər lenti
17 Aprel 13:25
Xəbər lenti
17 Aprel 13:15
Sosial
17 Aprel 13:01
Xəbər lenti
17 Aprel 12:52
Xəbər lenti
17 Aprel 12:51
Xəbər lenti
17 Aprel 12:50
Xəbər lenti
17 Aprel 12:27
Xəbər lenti
17 Aprel 12:26
Xəbər lenti
17 Aprel 12:03
İdman
17 Aprel 11:38
Xəbər lenti
17 Aprel 11:20
Xəbər lenti
17 Aprel 11:00
Mədəniyyət
17 Aprel 10:57
Siyasət
17 Aprel 10:50
Siyasət
17 Aprel 10:48
Xəbər lenti
17 Aprel 10:47
İqtisadiyyat
17 Aprel 10:44
Siyasət
17 Aprel 10:43
Analitik
17 Aprel 10:42
Xəbər lenti
17 Aprel 10:36
İqtisadiyyat
17 Aprel 10:35
Siyasət
17 Aprel 10:32
MEDİA
17 Aprel 10:28
İqtisadiyyat
17 Aprel 10:26
Siyasət
17 Aprel 10:23
Gündəm
17 Aprel 10:20
Xəbər lenti
17 Aprel 10:15
Siyasət
17 Aprel 10:13
Gündəm
17 Aprel 10:00
Xəbər lenti
17 Aprel 09:50
Xəbər lenti
17 Aprel 09:47
İqtisadiyyat
17 Aprel 09:45
Xəbər lenti
17 Aprel 09:34
Xəbər lenti
17 Aprel 09:31
Xəbər lenti
16 Aprel 23:11
Dünya
16 Aprel 22:19
Gündəm
16 Aprel 20:50
Sosial
16 Aprel 19:50
Xəbər lenti
16 Aprel 19:43
Xəbər lenti
16 Aprel 19:10
Xəbər lenti
16 Aprel 18:59
İqtisadiyyat
16 Aprel 18:55
Xəbər lenti
16 Aprel 18:06
Xəbər lenti
16 Aprel 17:07
Xəbər lenti
16 Aprel 16:38
Xəbər lenti
16 Aprel 16:24
Dünya
16 Aprel 16:06
Dünya
16 Aprel 16:03
Xəbər lenti
16 Aprel 16:03
Xəbər lenti
16 Aprel 15:39
Avropa
16 Aprel 15:30
Xəbər lenti
16 Aprel 15:19
Dünya
16 Aprel 15:15
Xəbər lenti
16 Aprel 15:11
Xəbər lenti
16 Aprel 14:55
Xəbər lenti
16 Aprel 14:43
Xəbər lenti
16 Aprel 14:39