Azərbaycan Respublikası Prezidenti İlham Əliyev “Əl-Ərəbiyyə” telekanalına müsahibə verib – Sülh razılaşması və Qarabağ münaqişəsinin sonu

Bakı:

22 °C

94 %

2 m/s

AZ RU EN

Ana səhifə / Arxiv / Azərbaycan Respublikası Prezidenti İlham Əliyev “Əl-Ərəbiyyə” telekanalına müsahibə verib – Sülh razılaşması və Qarabağ münaqişəsinin sonu

Azərbaycan Respublikası Prezidenti İlham Əliyev “Əl-Ərəbiyyə” telekanalına müsahibə verib – Sülh razılaşması və Qarabağ münaqişəsinin sonu

03.09.2025 [16:28]

Azərbaycan Respublikasının Prezidenti İlham Əliyev Səudiyyə Ərəbistanının nüfuzlu “Əl-Ərəbiyyə” telekanalına geniş müsahibə verib. Müsahibə avqustun 26-da yayımlanıb və əsasən Ermənistan-Azərbaycan sülh prosesi, Qarabağ münaqişəsinin tarixi və regionun gələcək inkişafı mövzularına həsr olunub.

Prezident İlham Əliyev müsahibədə avqustun 8-də Vaşinqtonda ABŞ Prezidenti Donald Trampın vasitəçiliyi ilə Ermənistan və Azərbaycan arasında imzalanmış razılaşmanı münaqişənin sonu kimi qiymətləndirib. O, qeyd edib ki, razılaşma Azərbaycanın ərazi bütövlüyünü təmin edir və Ermənistanın konstitusiyasında Azərbaycana qarşı iddiaların aradan qaldırılması ilə rəsmi sülh sazişi imzalanacaq. “Bu, 30 ildən artıq davam edən müharibənin sonudur və Cənubi Qafqaz üçün yeni imkanlar açır,” – deyə dövlət başçısı vurğulayıb.

Müsahibədə Qarabağ münaqişəsinin tarixinə toxunan Ölkə Başçısı 1990-cı illərdə Ermənistanın Azərbaycan ərazilərinin 20 faizini işğal etdiyini, bir milyon qaçqın və məcburi köçkünün yaranmasına səbəb olduğunu xatırladıb. O, 2020-ci il İkinci Qarabağ müharibəsində Azərbaycanın ərazilərini azad etdiyini və sülh təşəbbüsünün məhz Bakıdan gəldiyini bildirib. Minsk qrupunun ləğvi isə münaqişənin başa çatdığının təsdiqi kimi qiymətləndirilib.

Yenidənqurma işlərinə toxunan Prezident İlham Əliyev mina təhlükəsi və infrastrukturun dağıdılması kimi maneələrə baxmayaraq, 50 mindən çox məcburi köçkünün doğma yurdlarına qayıtdığını qeyd edib. Müsahibə regionun sülh və inkişaf perspektivlərini əks etdirərək, beynəlxalq ictimaiyyətin diqqətini cəlb edib.

Dövlət Başçısı müsahibədə Türk Dövlətləri Təşkilatının potensialı, enerji siyasəti və beynəlxalq əməkdaşlığa toxunub. Müsahibə avqustun 26-da yayımlanıb və qlobal kontekstdə Azərbaycanın rolunu əks etdirib.

Prezident Türk Dövlətləri Təşkilatını böyük potensiala malik qurum kimi qiymətləndirib: “Ortaq köklər, iqtisadi inkişaf və siyasi sabitlik təşkilatı nadir edir. Biz qlobal oyunçu olmaq istəyirik.” O, Türkiyə ilə Şuşa Bəyannaməsini və digər ölkələrlə strateji tərəfdaşlığı vurğulayıb.

Enerji sahəsində Prezident İlham Əliyev Azərbaycan qazının 10 Avropa ölkəsinə təchizini və Yaxın Şərqə genişlənməni qeyd edib. O, Suriyaya qaz yardımı və Körfəz ölkələri ilə əməkdaşlığı (BƏƏ, Səudiyyə Ərəbistanı) vurğulayıb: “Bərpaolunan enerjiyə 6 giqavat investisiya yatırırıq.”

Müsahibədə ABŞ Prezidenti Donald Trampın Nobel Sülh Mükafatına namizədliyi təklif olunub: “O, möcüzə yaradıb və buna layiqdir.” Prezident müsəlman birliyini də qeyd edərək, məzhəb ayrılığının təhlükəli olduğunu bildirib. Müsahibə Azərbaycanın qlobal əməkdaşlıqda rolunu gücləndirib.

Abbas Pənahov,

YAP Nəsimi rayon təşkilatının sədr müavini

Paylaş:

Baxılıb: 583 dəfə