Xalq-iqtidar birliyinin əsasında qarşılıqlı inam dayanır

Bakı:

26 °C

61 %

9 m/s

Əlaqə

AZ RU EN

Ana səhifə / Arxiv / Xalq-iqtidar birliyinin əsasında qarşılıqlı inam dayanır

Xalq-iqtidar birliyinin əsasında qarşılıqlı inam dayanır

17.09.2026 [16:39]

Sentyabrın 17-də Yeni Azərbaycan Partiyası (YAP) Lerik rayon təşkilatının XI konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət olunub, önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Lerik rayon təşkilatının sədri Malik Mirzəyev hesabat məruzəsi ilə çıxış edib. O, Azərbaycanın əldə etdiyi uğurlardan, Yeni Azərbaycan Partiyasının keçdiyi şərəfli inkişaf yolundan bəhs edib. Ümummilli Lider Heydər Əliyevin “YAP dünənin, bu günün və gələcəyin partiyasıdır” fikrinə istinad edən Malik Mirzəyev partiyanın nəinki ölkəmizdə, həm də regionda ən güclü siyasi təşkilat olduğunu deyib.

Lerik Rayon İcra Hakimiyyətinin başçısı Əkbər Abbasov bildirib ki, Prezident İlham Əliyevin rəhbərliyi ilə həyata keçirilən məqsədyönlü siyasət nəticəsində Azərbaycan böyük inkişaf yolu keçib, yeni reallıqlar yaranıb, ölkəmizin qarşısında yeni perspektivlər açılıb. Azərbaycanın uğurlarından geniş bəhs edən Əkbər Abbasov ölkəmizin ərazi bütövlüyü və suverenliyinin təmin olunmasını müasir tariximizin ən mühüm tarixi nailiyyəti kimi qiymətləndirib.

YAP İdarə Heyətinin üzvü, Milli Məclisin deputatı Rəşad Mahmudov Yeni Azərbaycan Partiyasının xalqın inam və etimadını layiqincə doğrultduğunu, Azərbaycanın inkişafına müstəsna töhfələr verdiyini deyib. O əminliklə ifadə edib ki, siyasi sistemin aparıcı qüvvəsi olan YAP ölkəmizə bundan sonra da mühüm nailiyyətlər qazandırmaq əzmindədir.

Rayon Ağsaqqallar Şurasının sədri Elxan Qənbərov, Lerik şəhər ərazi partiya təşkilatının sədri Gültəkin Şıxəliyeva, rayon peşə məktəbinin müəllimi, Birinci Qarabağ müharibəsi veteranı, şəhid ailəsi üzvü Namiq Bağışov çıxışlarında Yeni Azərbaycan Partiyasının əməli fəaliyyəti ilə xalqın böyük rəğbətini qazandığını deyiblər.

YAP Mərkəzi Aparatının Təşkilat şöbəsinin baş məsləhətçisi Əli Axundov Yeni Azərbaycan Partiyasının VII qurultayından sonra partiya işinin daha səmərəli qurulması istiqamətində görülən işlərdən danışıb.

Konfransda YAP Lerik rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 158 dəfə