“İrəli” İctimai Birliyinin altı aylıq hesabatı təqdim olunub

Bakı:

16 °C

63 %

9 m/s

Əlaqə

AZ RU EN

Ana səhifə / Daxili siyasət / “İrəli” İctimai Birliyinin altı aylıq hesabatı təqdim olunub

“İrəli” İctimai Birliyinin altı aylıq hesabatı təqdim olunub

25.12.2014 [09:37]

Dekabrın 24-də Beynəlxalq Muğam Mərkəzində “İrəli” İctimai Birliyinin 6 aylıq hesabatının, yeni loqosunun, korporativ üslubunun və saytının təqdimatı olub.
AzərTAc xəbər verir ki, Milli Məclisin deputatlarının, gənclər təşkilatlarının nümayəndələrinin iştirak etdikləri tədbirdə əvvəlcə İctimai Birliyin gördüyü işlərlə bağlı təqdimat nümayiş olunub.
Qeyd edilib ki, 2005-ci ildə ümumrespublika gənclər hərəkatı kimi yaranan, 2008-ci il dekabrın 24-də isə təsis edilən təşkilatın məqsədi gənclərin maraqları çərçivəsində olan bütün sahələrdə fəaliyyət göstərmək və onların fərdi inkişafına töhfə verməkdən ibarətdir. Təşkilatın fəaliyyəti Azərbaycanın bütün şəhər və rayonlarını əhatə edib. Azərbaycanı beynəlxalq təbirlərdə uğurla təmsil edən təşkilat ölkə daxilində müxtəlif layihələr reallaşdırmaqla dövlət qurumları, qeyri-hökumət və gənclər təşkilatları ilə əməkdaşlıq edir. Birlik Azərbaycanda əsası Ulu öndər Heydər Əliyev tərəfindən qoyulmuş və Prezident İlham Əliyevin uğurla davam etdirdiyi dövlət gənclər siyasəti çərçivəsində ölkədə gənclərin sosial, humanitar, siyasi və mədəni cəhətdən inkişafında xüsusi yeri olan təşkilatdır.
“İrəli” İctimai Birliyinin sədri Mirhəsən Seyidov qurumun gördüyü işlərdən danışıb. O, Azərbaycanda aparılan gənclər siyasətindən, ölkəmizin həqiqətlərinin, o cümlədən, Ermənistan-Azərbaycan, Dağlıq Qarabağ münaqişəsi ilə bağlı reallıqların dünyaya çatdırılması istiqamətində təşkilatın gördüyü işlərdən bəhs edib. M.Seyidov qurumun həyata keçirdiyi layihələrin regionları da əhatə etdiyini vurğulayıb. O, təşkilatın yaranma gününü dekabrın 25-də cəbhə bölgəsində əsgərlərlə birlikdə qeyd edəcəklərini diqqətə çatdırıb.
Bildirib ki, “İrəli” İctimai Birliyinin loqosu özündə təşkilatın Azərbaycanın şimal, cənub, şərq və qərb istiqamətlərindəki bütün gəncləri əhatə etməsi mənasını verir. Bundan başqa, loqoda Azərbaycanın dövlət bayrağındakı üç rəng - mavi, qırmızı, yaşıl, həmçinin dinamik gənclər rəngi olaraq seçilmiş firuzəyi rənglərdən istifadə olunub.
Tədbirdə çıxış edən Azərbaycan Respublikası Prezidenti Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev deyib ki, Azərbaycanda 300 gənclər təşkilatı fəaliyyət göstərir. “İrəli” İctimai Birliyi bu qurumlar arasında xüsusi yer tutur və fəal gənclər təşkilatıdır. Birliyin həyata keçirdiyi tədbirlər gənclərdə böyük maraq doğurur.
Gənclər və idman nazirinin müavini İntiqam Babayev və başqaları təşkilatın həyata keçirdiyi müxtəlif maarifləndirici layihələrin artıq bütün bölgələrimizi əhatə etməsinin əhəmiyyətini vurğulayıblar. Onlar ölkəmizdə gənclərlə bağlı həyata keçirilən dövlət proqramlarından da danışıblar. Qeyd edilib ki, “İrəli”də potensiallı kreativ gənclər toplaşıb. Birlik Azərbaycan Prezidenti İlham Əliyev tərəfindən ölkəmizdə aparılan gənclər siyasətini dəstəkləyir və bu siyasətin həyata keçirilməsində yaxından iştirak edir.

Paylaş:

Baxılıb: 1630 dəfə