Ukrayna ciddi sınaq qarşısında...

Bakı:

21 °C

68 %

3 m/s

Əlaqə

AZ RU EN

Ana səhifə / Dünya / Ukrayna ciddi sınaq qarşısında...

Ukrayna ciddi sınaq qarşısında...

07.03.2014 [09:13]

Şərqi Avropa və Avrasiyada mühüm geostrateji resurslara malik olan, bölgənin siyasi taleyində əhəmiyyətli rol oynayan Ukraynanın öz gələcək taleyi olduqca düşündürücüdür
Dünya siyasətinin əsas tendensiyalarını, başlıca geosiyasi prosesləri müəyyən edən nəhəng güc mərkəzlərinin qarşıdurma meydanı olan Ukraynada qeyri-müəyyən proseslər davam edir. Qərb və Rusiyanın mübarizəsinin hazırkı episentrini təşkil edən bu ölkənin perspektiv taleyi, heç şübhəsiz, sual altındadır. Hər iki güc mərkəzi müəyyən manevrlər etməklə prosesləri öz xeyirlərinə dəyişməyə çalışırlar. Yeri gəlmişkən, ABŞ baş verən proseslərin fonunda Rusiyanın vəzifəli şəxslərinə qarşı sanksiyalar tətbiq etməyə başlayır. “The New York Times”ın məlumata görə, Ağ Evdən bəyan edilib ki, ABŞ Dövlət Departamenti Ukraynanın ərazi bütövlüyünə zərbə vurmaq üçün tədbirlər görən məmurlara və digər şəxslərə vizaların verilməsinə qadağa qoyub. Məlumatda qeyd edilir ki, bu qadağa Ukraynanın ərazi bütövlüyünə və suverenliyinə təhlükə yaradan, yaxud bununla əlaqəli olan Rusiya və Ukrayna vətəndaşlarına şamil ediləcək.
Bununla yanaşı, NATO-nun Baş katibi Anders Foq Rasmussen Ukraynadakı vəziyyətlə əlaqədar yaranmış siyasi mənzərənin fonunda Rusiya ilə münasibətlərə yenidən baxılacağını bəyan edib. “Gazeta.ru” xəbər verir ki, NATO mülki və hərbi heyət səviyyəsində heç bir görüş təşkil etməyəcək. Rasmussenin sözlərinə görə, dialoqun qorunması üçün Rusiya-NATO Şurası səviyyəsində səfirlərin görüşünün saxlanılması qərara alınıb. “Biz Rusiya ilə bütün münasibətlərə yenidən baxacağıq, münasibətlərin gələcəyi barədə qərar NATO ölkələrinin xarici işlər nazirlərinin aprelin əvvəlinə nəzərdə tutulmuş görüşündə veriləcək”,- deyə Rasmussen bildirib.
Yeri gəlmişkən, Krım parlamenti Muxtar Respublikanın Rusiyanın tərkibinə daxil olması haqqında qərar qəbul edib. Qərarda deyilir ki, Krım Muxtar Respublikası Rusiya Federasiyasının subyekti qismində Federasiyanın tərkibinə daxil olsun.
Bundan öncə isə Rusiya siyasiləri analoji mövqe sərgiləmişdilər. “Ədalətli Rusiya” fraksiyasının rəhbəri Sergey Mironov bəyan edib ki, Dövlət Duması gələn həftə Krımın Rusiyanın tərkibinə daxil olması ehtimalı haqqında qanun layihəsinə baxa bilər. Qanun layihəsinin müəlliflərindən biri olan S.Mironov bildirib ki, Krımda referendum martın 16-da keçiriləcəyi üçün Dövlət Duması qanunu normal rejimdə müzakirə edə bilər.
Beləliklə, Ukrayna ciddi sınaq qarşısındadır. Şərqi Avropa və Avrasiyada mühüm geostrateji resurslara malik olan, bölgənin siyasi taleyində əhəmiyyətli rol oynayan Ukraynanın hazırda öz taleyi olduqca düşündürücüdür. Hər halda, zaman ölkənin perspektivi üçün atılan addımların doğruluğunu sübuta yetirəcək.
NURLAN

Paylaş:

Baxılıb: 1731 dəfə