Azərbaycan Dövlət İqtisad Universitetində “Elm günləri”nə start verilib

Bakı:

23 °C

73 %

3 m/s

Əlaqə

AZ RU EN

Ana səhifə / Elm / Azərbaycan Dövlət İqtisad Universitetində “Elm günləri”nə start verilib

Azərbaycan Dövlət İqtisad Universitetində “Elm günləri”nə start verilib

12.11.2014 [09:53]

Noyabrın 11-də Azərbaycan Dövlət İqtisad Universitetində (ADİU) “Elm günləri” layihəsinə start verilib. “Ümumdünya elm günü” çərçivəsində keçirilən və 3 gün davam edəcək layihə çərçivəsində simpozium, seminar, “dəyirmi masa”, təlim, master-klasslar, tanınmış alimlərlə görüş və elmi mühazirələrin keçirilməsi nəzərdə tutulub.
Tədbirdən əvvəl iştirakçılar ADİU-nun foyesində Ümummilli lider Heydər Əliyevin büstü önünə gül dəstələri qoyaraq, Ulu öndərin əziz xatirəsini ehtiramla yad ediblər.
Açılış mərasimində çıxış edən universitetin rektoru, professor Ədalət Muradov bildirib ki, tədbirin əsas məqsəd Azərbaycan Respublikasının Prezidenti İlham Əliyevin elm ictimaiyyəti qarşısında qoyduğu vəzifələrə İqtisad Universitetinin potensialı çərçivəsində dəstək vermək, Prezident Administrasiyasının rəhbəri, akademik Ramiz Mehdiyevin ictimai elmlərin mövcud vəziyyəti və onun yaxşılaşdırılması istiqamətində verdiyi tövsiyə və tapşırıqlardan irəli gələn vəzifələri yerinə yetirməkdir.
Həmçinin qeyd olunub ki, “Elm günləri” çərçivəsində keçiriləcək tədbirlərin əsas müzakirə mövzusu ali təhsil ocağının elm mərkəzinə çevrilməsi yolları, eləcə də ADİU-da tələbə və müəllim elmi əməkdaşlığının yeni mərhələyə yüksəlməsi, universitetdə həyata keçirilən tədqiqatların ölkənin iqtisadi potensialının artırılmasına töhfə verməsidir.
Ali məktəbdə elmi tədqiqatlar apara biləcək alimlərin kifayət qədər olduğunu vurğulayan rektor, bu fəaliyyəti həyata keçirmək üçün ADİU-da institusional dəyişikliklərə başlanıldığını bildirib: “Bura “Elm və innovasiyalar” və “Texnologiya transfer” mərkəzlərinin yaradılması daxildir. Əsas məqsədimizdən biri də odur ki, alimlərimizin kəşfləri, yenilikləri patentləşdirilərək marağı olan təşkilatlara təklif edilsin. Əminəm ki, qısa vaxt ərzində bu sahədə nailiyyətlər əldə edə biləcəyik. ADİU-da növbəti institusional dəyişikliklər sahəsində də işlər davam etdirilir. Bunun üçün ilk növbədə, hər bir ixtisas kafedrasının nəzdində laboratoriyaların yaradılması lazımdır. Alimlərin elmi fəaliyyətə həvəsləndirilməsinə dair tədbirlər də nəzərdə tutulub. Bunun üçün universitetin 2015-ci il üçün hazırlanacaq büdcəsində elmi tədqiqatların stimullaşdırılması məqsədi ilə vəsait ayrılacaq”.
İqtisad Universitetinin tələbələrinin intellektual yarışlardakı uğurlarını xüsusi vurğulayan rektor Ə.Muradov onların bu sahədə fəallığını daha da artırmaq üçün tələbələrdən ibarət komanda yaradaraq onlara ADİU-nun müəllimlərindən ibarət məşqçilər təyin etməyi təklif edib. Qeyd edilib ki, ADİU-da həyata keçirilən iqtisadi layihələrin keyfiyyətinin artırılmasına ciddi ehtiyac var. Həmçinin, ADİU-da həyata keçirilən elmi tədqiqat layihələrini maliyyələşdirmək istəyən təşkilatların sayının artırılması istiqamətində işlərə başlanılıb.
Çıxışın sonunda rektor “universitetimizdə “Elm günləri”nin keçirilməsi ilə biz Azərbaycanın elm ictimaiyyətinə, elmi fəaliyyətlə məşğul olan təşkilatlara çatdırırıq ki, ADİU elmi fəaliyyətin təşkili istiqamətində ciddi ambisiyalarla bazara daxil olur. Bəyan edirik ki, bizim iqtisadçılar Azərbaycanda fəaliyyət göstərən iqtisadçı alimlər korpusunun əsasını təşkil edir və ADİU ilə əməkdaşlıq edəcək təşkilatlar universitetlə əməkdaşlıqdan bəhrələnəcəklər. Əminəm ki, 2015-ci ildə elmi fəaliyyətimizdə əldə edilən nailiyyətlər hamımızı sevindirəcək”, - deyib.
Sonra tədbir müzakirələrlə davam etdirilib.

Paylaş:

Baxılıb: 2393 dəfə