Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban xanım Əliyeva müxtəlif ölkələrin din xadimləri ilə görüşüb

Bakı:

0 °C

86 %

2 m/s

AZ RU EN

Ana səhifə / Gündəm / Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban xanım Əliyeva müxtəlif ölkələrin din xadimləri ilə görüşüb

Heydər Əliyev Fondunun prezidenti, YUNESKO-nun və İSESKO-nun xoşməramlı səfiri Mehriban xanım Əliyeva müxtəlif ölkələrin din xadimləri ilə görüşüb

07.07.2009 [10:43]

Mehriban xanım Əliyeva görüşdə inamın ürəklərdə yaşadığını deyərək, məscidin açılışını xoş hadisə kimi dəyərləndirib
Azərbaycanda səfərdə olan müxtəlif ölkələrin din xadimləri dünən Heydər Əliyev Fondunda olublar.
Qonaqlar Heydər Əliyevin həyatının ən müxtəlif məqamlarını əks etdirən və Azərbaycan tarixinin bütöv bir dövrü barədə geniş təsəvvür yaradan çoxlu sənədlərlə, dünyanın tanınmış siyasi xadimlərinin verdiyi hədiyyələrlə, Ulu öndərimiz haqqında kitablarla, nüfuzlu elm, mədəniyyət və incəsənət xadimlərinin Azərbaycan dövlətinin qurucusu haqqında fikirləri ilə tanış olub, müxtəlif ölkələrin liderləri ilə görüşlərdə çəkilmiş şəkillərə maraqla baxıblar. Ulu öndərin orta və ali məktəbləri əla qiymətlərlə bitirməsi barədə attestatı və diplomu, əla təhsilə və nümunəvi əxlaqa görə tərifnaməsi, işlədiyi müxtəlif kollektivlərdə yalnız müsbət keyfiyyətlərlə səciyyələndirilən xasiyyətnamələri, keçmiş SSRİ-nin müxtəlif guşələrində, respublikamızın ayrı-ayrı şəhər və rayonlarında keçirilən tədbirlərdə çəkilmiş yadigar fotoşəkillər, iş otağındakı əşyalar şərəfli ömrün salnaməsini xatirələrdə bir daha canlandırıb.
Məlumat verilib ki, ümummilli lider Heydər Əliyev iqtisadi rifahın, sosial-mədəni irəliləyişlərin, müasir cəmiyyət quruculuğunun bütün səviyyələrdə uğurlu inkişafı üçün zəruri zəminlər yaradıb.
Din xadimləri Heydər Əliyev Fondunun görkəmli siyasi xadimin zəngin irsinin öyrənilməsi, təbliği, Azərbaycanın sosial-iqtisadi, mədəni tərəqqisinə yönəlmiş genişmiqyaslı fəaliyyəti ilə bağlı apardığı işləri yüksək qiymətləndiriblər.
Fondla tanışlıqdan sonra qurumun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyeva qonaqlarla görüşüb. Mehriban xanım Əliyeva onları ölkəmizdə və Ulu öndər Heydər Əliyevin adını daşıyan Fondda görməkdən məmnun olduğunu bildirib.
Qurumun prezidenti Fondun artıq beş ildir ki, fəaliyyət göstərdiyini və onun yaranma ideyasının dahi şəxsiyyət Heydər Əliyevə məxsus olduğunu söyləyib. Mehriban xanım Əliyeva vurğulayıb ki, Fond yaranan gündən ümummilli liderin həyatının ən başlıca amalı olan Azərbaycana xidmət etməyi qarşısına əsas məqsəd kimi qoyub. Qurum təhsil, səhiyyə, mədəniyyət, elm, gənclərə yardım və bir çox sahələrdə müxtəlif layihələr həyata keçirir.
Mehriban xanım əlavə edib ki, Fondun ünvanına daxil olan məktubların heç biri cavabsız qalmır. Fondun əsas vəzifəsi insanlara və ilk növbədə köməyə ehtiyacı olanlara xidmət etməkdir.
Qurumun prezidenti Azərbaycanda həmişə dini dözümlülüyün olduğunu qeyd edərək, yarandığı gündən Fondun tolerantlığın qorunmasına istiqamətlənən layihələrə böyük önəm verdiyini vurğulayıb. Mehriban xanım Əliyeva bildirib ki, rəhbərlik etdiyi qurumun təşəbbüsü ilə ölkədə məscidlər tikilir. Fond pravoslav və katolik kilsələrinə də lazımi yardımı göstərir.
Dini dözümlülüyün əsas məqsədlərimizdən biri olduğunu deyən Heydər Əliyev Fondunun prezidenti Təzəpir məscid kompleksinin açılışında iştirak etmək üçün Bakıya gəlmiş din xadimlərinin gözəl paytaxtımızla yaxından tanış olacaqlarına ümidvar olduğunu bildirib. Mehriban xanım Əliyeva inamın ürəklərdə yaşadığını deyərək, məscidin açılışını xoş hadisə kimi dəyərləndirib.

Paylaş:

Baxılıb: 1305 dəfə