Heydər Əliyev
yeni azerbaycan logo

Ana səhifə / İdman / Avropa Oyunları bu ölkədə keçiriləcək

Avropa Oyunları bu ölkədə keçiriləcək

04.06.2024 [14:57]

İyunun 6-7-də Rumıniyanın paytaxtı Buxarestdə Avropa Olimpiya Komitəsinin Baş Assambleyası keçiriləcək.

Tədbirdə Avropanın idman liderləri ilə yanaşı, Beynəlxalq Olimpiya Komitəsinin prezidenti Tomas Bax, AOK İcraiyyə Komitəsinin üzvləri, Milli Olimpiya Komitələri və Avropa federasiyalarının rəhbərləri də iştirak edəcək.

Baş Assambleya BOK prezidenti Bax, onun EOK həmkarı Spiros Kapralos və ötən ay EOK-un ilk baş direktoru təyin edilmiş Yan Lemanın çıxışlarını dinləyəcək. Forumdan əvvəl Kapralos bu görüşün Avropa idmanı üçün lazımi vaxtda keçirilməsinin vacibliyini vurğulayıb: “Olimpiada sürətlə yaxınlaşdıqca üzvlərimizi bir araya gətirmək fürsətindən məmnunuq. Mən Avropa Olimpiya ailəsinə müraciət etməyi səbirsizliklə gözləyirəm. Buxarestdə keçiriləcək Baş Assambleya AOK-a yaranan imkanlardan necə istifadə edəcəyimizlə bağlı müzakirə aparmağa imkan verəcək. Qarşıdan gələn Yay və Qış Oyunları Avropada keçiriləcək, idman vasitəsilə dünyaya sülh və həmrəylik mesajı verəcək”.

İyunun 6-da keçiriləcək qala şam yeməyində AOK 2023-cü ilin Avropa Oyunlarının ən yaxşı idmançılarına qurumun sabiq prezidenti Yanez Koçiyançiçiç adına təsis olunan yeni mükafatları təqdim edəcək. Öz idman növündə uğur qazanan və olimpiya dəyərlərini təcəssüm etdirən 14-18 yaş arası idmançı üçün təsis olunan Pyotr Nurovski adına Qış Mükafatının qalibinin də adı açıqlanacaq.

Təqdimatlardan əlavə, AOK üzvləri İstanbulun 2027-ci il Avropa Oyunlarına ev sahibliyi üçün müraciətinə səs verəcəklər.

Həmçinin, 2025-ci ildə AOK tədbirləri, o cümlədən 14-18 yaşlı idmançılar üçün Qış və Yay Avropa Gənclər Olimpiya Festivalı və Avropa Kiçik Dövlət Oyunları haqqında yeniliklər olacaq. AOK Olimpiya Hərəkatında innovasiyalarda aparıcı rol oynamağa davam edir. Bunun üçün də Baş Assambleyada süni intellektin (AI) idman sənayesinin bütün sahələrinə necə təsir göstərə biləcəyinə dair sessiya daxil olacaq.

Kapralos Avropanın dünya idmanının mərkəzində olduğunu da vurğulayıb: “AOK Avropanın dünya idmanının liderlərindən biri kimi mühüm rolunu qəbul edir. Biz İstanbulun 2027-ci il Avropa Oyunları ilə bağlı planlarını bölüşməsini səbirsizliklə gözləyirik. Çünki bu şəhərin Avropanın ən böyük multi-idman tədbirinin standartını yüksəltmək üçün ideal məkan olacağına inanırıq”.

Qeyd edək ki, Buxarestdə keçiriləcək Baş Assambleyadan əvvəl iyunun 5-də AOK İcraiyyə Komitəsinin iclası keçiriləcək.

Trend

Paylaş:
Baxılıb: 156 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Ədəbiyyat

Siyasət

Xarici siyasət

Xarici siyasət

Xəbər lenti

Siyasət

Gündəm

Siyasət

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30