"Yeni Azərbaycan" turnirə qələbə ilə başladı

Bakı:

17 °C

88 %

2 m/s

Əlaqə

AZ RU EN

Ana səhifə / İdman / "Yeni Azərbaycan" turnirə qələbə ilə başladı

"Yeni Azərbaycan" turnirə qələbə ilə başladı

23.06.2009 [11:28]

“Xatirə Kuboku” turnirinin püşkünə əsasən açılış matçında “Yeni Azərbaycan” qəzetinin komandası “Səs” qəzeti ilə qarşılaşdı. ölkənin tanınmış hakimlərindən Azad Mütəllimov və Əfqan Həmzəyevin idarə etdiyi oyun gərgin mübarizə şəraitində keçdi. çünki komandaların heç biri meydançanı məğlub kimi tərk etmək istəmirdi. Oyun başlayan ilk andan hər iki komandanın üzvlərinin irəli atılması elə əvvəlcədən matçın bol qollu olacağını güman etməyə əsas verirdi. Amma ilk dəqiqələrdən avtoqolun qeydə alınması “Yeni Azərbaycan”çılar üçün heç də yaxşı başlanğıc sayıla bilməzdi. Bununla belə, kollektiv toparlanıb bu şok qolun təsirindən layiqincə çıxa bildi. Tezliklə hesabı bərabərləşdirən “Yeni Azərbaycan” qəzetinin komandası oyunda üstünlüyü ələ alaraq hesabı öz xeyrinə dəyişməyə və qolları bir-birinin ardınca sıralamağa başladı.
ön xətdə oynayan hücumçu Ramil Vəlibəyovun oyununu xüsusi olaraq qeyd etmək lazımdır. Qısa müddət ərzində het-trik edən Ramil qol vurmaq bacarığı ilə yanaşı, texnikalı oyunu ilə də seçilirdi. Rəqibin oyunçularını peşəkar futbolçuya xas fəndlərlə aldadan Ramil effektiv və dəqiq zərbələrlə komandamızın təşkil etdiyi hücumları məntiqi sonluqla başa çatdırırdı. Bu işdə ona yardımçı olan Aqşin Şahinoğlunun da oyununu qeyd etmək lazımdır. Böyük futbol dili ilə desək, plemeyker funksiyasını yerinə yetirən Aqşin Ramilin vurduğu qollarda xüsusi pay sahibi idi. Hücumların təşkil olunmasında aktiv şəkildə iştirak edərək bacarıqlı ara ötürmələri edən Aqşin Şahinoğlu rəqibə kifayət qədər başağrısı yarada bildi.
Rəqibin hücumlarını meydançanın mərkəzində qarşılayan Zahid İlhamoğlu qapıçımız Nardar Bayramlının çox əziyyət çəkməməsi üçün var gücü ilə çalışdı. Müdafiənin mərkəzində “dağ kimi” dayanan Pərviz Sadayoğlu komandamızın ən aktiv oyun çularından biri idi. çünki o, həm müdafiəyə yardımçı olur, həm də hücumların təşkilində iştirak edirdi. Qarşılaşmanın ikinci hissəsində Pərvizin etdiyi ötürməni vurğulamamaq mümkün deyil. Siyasət yazarımız elə yazdığı məqalələrin kəsəri kimi, çox kəsərli və mükəmməl ötürmə ilə bombardirimiz Ramili qapıçı ilə təkbətək çıxardı, sonuncu isə bu şansı əldən vermədi. Futbol oyununun bəzəyi olan daha bir mükəmməl ötürməni bomardirimizə Aqşin etdi. Ramil Vəlibəyov isə turnirin bombardiri olmaq üçün bir oyunda mümkün olan hər şeyi etdi. Doğrudur, bombardirimiz penalti zərbəsini dəqiq yerinə yetirə bilmədi, amma bunu ona bağışlamaq olar. çünki o, rəqib qapısına vurduğumuz 13 qolun 11-nin müəllifi oldu. Digər iki qola isə Aqşin imza atdı. Məğlub olmalarına baxmayaraq “Səs” qəzetinin kollektivinin mübarizə əzmini qeyd etməsək, ədalətsizlik olar. Xüsusilə, “Səs” qəzetinin baş redaktoru Bəhruz Quliyev meydançanın ən aktiv futbolçularından biri idi. İlk oyunda qələbə qazanan “Yeni Azərbaycan” aktivinə 3 xal yazaraq ikinci tura hazırlaşır.

Paylaş:

Baxılıb: 1686 dəfə