Heydər Əliyev
yeni azerbaycan logo

Ana səhifə / İdman / Dünya çempionu: Bayrağımızı qaldırmaq və himnimizi səsləndirmək çox qürurvericidir

Dünya çempionu: Bayrağımızı qaldırmaq və himnimizi səsləndirmək çox qürurvericidir

08.08.2023 [10:52]

Azərbaycan atıcısı Xanna Əliyeva Koreyanın Çanqon şəhərində keçirilən gənclər arasında dünya çempionatının qalibi olub. İdmançımız 50 m məsafəyə tapançadan atəş açmada bütün rəqiblərini qabaqlayıb.  O, 520 xal toplayaraq qızıl medal qazanıb.

21 yaşlı çempionumuz hazırda tələbədir. Ukraniyada Aviasiya Universitetində təhsil alır. Atıcılıq karyerası qısa olsa da, dünya miqyasında qalibiyyətləri var. Sonuncu qələbə sevincini isə yeniazerbaycan.com-a bölüşüb: “50 m məsafəyə tapançadan atəş açmada qızl medal qazandım. Dünya çempionatı mənim üçün çox maraqlı, bir o qədər də həyəcanlı keçdi. Koreyada bir çox yeniliklərin şahidi oldum. Xüsusilə də, dünyaca məşhur idmançılarla görüşdüm. Atıcılıq idman növü üzrə ən güclü idmançıların siyahısına Koreya və Çin başçılıq edir. Onların məşqlərini izləmək belə mənim üçün böyük təcrübə oldu. Qızıl medalı qazandıqdan sonra ilk sevincimi valideynlərimlə bölüşdüm. Məşqçim Məmmədov Rəsul Koreyada mənimlə deyildi, Çində təşkil olunan Universiadaya qatılmalı idi. Dərhal onunla da əlaqə saxladım. Hər kəs çox sevinirdi. Başqa bir ölkədə bayrağımızı qaldırmaq və himnimizi səsləndirmək çox qürurvericidir. Biz idmançılar daim çalışırıq ki, bayrağımızı yüksəldək, himnimizi ən uca zirvələrdə səsləndirək, Azərbaycanımızı güclü rəqib kimi tanıdaq. Bu, bizim əsas məqsədimizdir”.

Xanna Əliyeva bundan sonra da hər yarışda uğur qazanacağına və bayrağımızı yüksəklərə qaldıracağına söz verib. Onun sözlərinə görə, əsas məqsədi Olimpiya Oyunlarına qatılmaq və Azərbaycana qızıl medal qazandırmaqdır.

MÜŞFİQƏ

Paylaş:
Baxılıb: 615 dəfə

Xəbər lenti

Hamısına bax

YAP xəbərləri

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30