Qubadlı rayon İcra Hakimiyyətində 2014-cü ilin birinci rübünün sosial-iqtisadi yekunlarına həsr olunmuş şura iclası keçirilib

Bakı:

18 °C

77 %

2 m/s

AZ RU EN

Ana səhifə / İqtisadiyyat / Qubadlı rayon İcra Hakimiyyətində 2014-cü ilin birinci rübünün sosial-iqtisadi yekunlarına həsr olunmuş şura iclası keçirilib

Qubadlı rayon İcra Hakimiyyətində 2014-cü ilin birinci rübünün sosial-iqtisadi yekunlarına həsr olunmuş şura iclası keçirilib

19.04.2014 [14:03]

Dünən Sumqayıt şəhərində yerləşən Qubadlı rayon İcra Hakimiyyətinin inzibati binasında cari ilin birinci rübünün sosial-iqtisadi inkişafının yekunlarına həsr olunmuş geniş şura iclası keçirilib. İclası giriş sözü ilə açan rayon İcra Hakimiyyətinin başçısı Malik İsaqov Azərbaycan Prezidenti İlham Əliyevin Sədrliyi ilə keçirilən Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına həsr olunmuş iclasında dövlətimizin başçısının proqram xarakterli nitqinin əsas müddəalarını bir daha diqqətə çatdırıb.
Bildirilib ki, ilin birinci rübünün nəticələri bütövlükdə 2014-cü ilin də ölkəmiz üçün uğurlu göstəricilərlə yadda qalacağına işarə edir. Əldə olunan bütün nailiyyətlər Ulu öndər Heydər Əliyevin müdrikliklə gələcəyə hesablanmış inkişaf strategiyasının dövlətimizin başçısı İlham Əliyev tərəfindən qətiyyət və uğurla həyata keçirilməsinin bəhrəsidir.
Malik İsaqov deyib ki, məcburi köçkünlərin mənzil-məişət şəraitinin yaxşılaşdırılması dövlət başçısının daim diqqət mərkəzindədir. Bunun nəticəsidir ki, 2014-cü ildə 20 min məcburi köçkünün mənzillə təmin edilməsi nəzərdə tutulub.
Daha sonra rayon İcra Hakimiyyəti başçısının müavini, Yeni Azərbaycan Partiyası Qubadlı rayon təşkilatının sədri Allahverdi Haxverdiyev geniş məruzə ilə çıxış edib. Bildirilib ki, 2014-cü ilin birinci rübündə əhalinin mənzil-məişət şəraitlərinin yaxşılaşdırılması işi Qubadlı rayon İcra Hakimiyyətinin fəaliyyətində əsas istiqamətlərdən biri olub. Daha 5 ailəyə mənzil-məişət şəraitinin yaxşılaşdırılması üçün müxtəlif tikinti materialı ilə, 7 ailəyə isə yenə eyni məqsədlə maddi köməklik göstərilib.
Qeyd edilib ki, rüb ərzində aztəminatlı ailələrə köməklik göstərilməsi diqqət mərkəzində saxlanılıb. Rayon İcra Hakimiyyəti tərəfindən yas mərasimlərinin keçirilməsi, dərmanların alınması və sair məsələlər üçün məcburi köçkün ailələrə köməklik edilib. Novruz bayramı münasibətilə şəhid ailələrinə müxtəlif ərzaq yardımı paylanıb. Həmçinin, bu ilin mart ayında güclü külək nəticəsində məcburi köçkünlərin məskunlaşdıqları mənzillərə dəyən zərərin aradan qaldırılması istiqamətində işlər görülüb. Eyni zamanda, bu ilin birirnci rübü ərzində də Qubadlıdan olan məcburi köçkünlərin işlə təmin edilməsi məsələsi diqqət mərkəzində olub. Hazırda da rayon əhalisi arasında işsizliyin aşağı salınması istiqamətində aparılmış işlər davam etdirilir.
Qeyd edilib ki, hesabat dövrü ərzində vətəndaşlardan İcra Hakimiyyətinə daxil olan müraciətlər diqqətdə saxlanılıb. Rüb ərzində İcra Hakimiyyətinə 51 ərizə daxil olub ki, onlardan 28-i müsbət həll edilib, qalanlarına müvafiq hüquqi izahat verilib. Rayon İcra Hakimiyyəti başçısı tərəfindən cari ilin üç ayı ərzində keçirilən 8 səyyar qəbul zamanı vətəndaşlardan 34 müraciət olub ki, onlardan 23-ü operativ qaydada müsbət həll edilib, 11 müraciətlə bağlı Mərkəzi İcra Hakimiyyəti qarşısında məsələ qaldırılıb.
Daha sonra məruzə ətrafında çıxış edənlər təmsil etdikləri ayrı-ayrı sahələr üzrə aparılan işlər haqqında məlumat veriblər. Onlar dövlətimizin əldə etdiyi nailiyyətlərdən qürur duyduqlarını deyərək, məcburi köçkünlərə göstərilən diqqət və qayğıya görə dövlətimizin başçısına dərin minnətdarlıqlarını bildiriblər.
Rayon İcra Hakimiyyətinin başçısı Malik İsaqov yığıncağa yekun vuraraq Azərbaycan Prezidenti İlham Əliyevin Nazirlər Kabinetinin iclasındakı nitqindən irəli gələn vəzifələrin yerinə yetirilməsi istiqamətində qarşıda duran vəzifələrdən bəhs edib. İclasın sonunda şuranın müvafiq qərarı qəbul edilib.
Pərviz SADAYOĞLU

Paylaş:

Baxılıb: 1386 dəfə