Uğurlu vəhdət!

Bakı:

26 °C

59 %

6 m/s

Əlaqə

AZ RU EN

Ana səhifə / MEDİA / Uğurlu vəhdət!

Uğurlu vəhdət!

21.11.2023 [10:56]

Xalq və dövlət maraqlarının qorunması...

Bu gün qarşımızda dayanan ən vacib məqamlardan biri dövlət və ictimai maraqların təmin olunmasıdır. Çünki hər iki amil vətəndaşlarımız üçün mühüm əhəmiyyətə malikdir. Sevindirici haldır ki, vətəndaşlarımız hər zaman milli maraqları şəxsi maraqlardan üstün tuturlar. Rus mütəfəkkiri Çernışevski yazırdı: “İnsanın ləyaqəti onun vətənpərvərliyinin gücü ilə ölçülür”. Belinski isə qeyd edirdi ki, “öz vətəninə mənsub olmayan adam bəşəriyyətə də mənsub ola bilməz”. Bu səbəbdən ictimai və dövlət maraqlarının müdafiəsi hər kəsin vətəndaşlıq borcudur.

Peşəsindən asılı olmayaraq hər kəs üzərinə düşən vətəndaşlıq borcunu yerinə yetirərək ictimai və dövlət maraqlarının təmin olunmasında mühüm rol oynamalıdır. Çünki həm dövlətin mənafeyinə zərər gəlmədiyi, həm də ictimai maraqlar təmin edildiyi, ortaq maraqlar müəyyənləşdirilərsə, ideal cəmiyyətin formalaşması mümkündür.

Mövzunu “Yeni Azərbaycan”a şərh edən millət vəkili Nəsib Məhəməliyev bildirib ki, dövlət nümayəndələri ilə vətəndaş cəmiyyətinin nümayəndələri arasında qarşılıqlı anlaşma yaranarsa və bu nə qədər çox olarsa, o zaman ortaq maraqlar da artar. Onun sözlərinə görə, siyasi mövqeyindən asılı olmayaraq, hər bir vətəndaş bundan nəticə çıxarıb Azərbaycan dövlətinin maraqlarını qorumalıdır: “Sevindirici haldır ki, bu istiqamətdə aparılan təbliğatın müsbət nəticəsidir ki, hər kəs mənəvi dəyərlərə, dövlətə, onun atributlarına hörmətlə yanaşır. Dövlətin maraqlarına zidd olan, onun təhlükəsizliyini pozmağa çalışan qüvvələrə qarşı mübarizə aparır. Hamı üçün dövlət maraqlarımızın müdafiəsi vacibdir. Bu işdə vətəndaş cəmiyyəti ilə dövlət arasında əsas körpü rolunu oynayan medianın üzərinə də çox böyük vəzifə düşür. Ölkə başçısı da kütləvi informasiya vasitələrinin nümayəndələrilə görüşlərində mətbuatın daim milli maraqlardan çıxış etməli olduğunu ?üsusi vurğulayaraq diqqətə çatdırıb”.

Vətəndaşlar dövlətin yanındadır

Deputatın sözlərinə görə, Vətən müharibəsi Azərbaycan vətəndaşlarının Azərbaycan dövləti ilə həmrəyliyini bir daha təsdiq etdi: “Hər zaman vətəndaşlarımızın dövlətə dəstəyini müşahidə etmişik. Bu çox vacib amildir. Bugünkü uğurlarımızın əsas səbəblərindən biri də məhz dövlət və xalqın həmrəy olması, dövlət və ictimai maraqları tələb edən məsələlərdə bir-birinə dəstək olmasıdır”.

N.Məhəməliyev qeyd edib ki, bu gün Azərbaycan üçün ən vacib məsələ təhlükəsizliyinin tam bərqərar olması, Ermənistanla sülh müqaviləsinin imzalanması və işğaldan azad edilmiş ərazilərimizin yenidənqurma işlərinin davam etdirilməsidir: “Bu istiqamətdə aparılır. Vətəndaşlarımızın da dəstəyini müşahidə edirik. Qarabağ və Şərqi Zəngəzurun bərpa və yenidənqurmasında iş adamlarımız aktiv şəkildə müraciət edir, dəstək olur, yeni layihələri təqdim edirlər. Bütün bunlar ondan xəbər verir ki, yeni mərhələdə həm Qarabağ və Şərqi Zəngəzur iqtisadiyyatının formalaşması, reinteqrasiyası, həm də bütövlükdə, Azərbaycan iqtisadiyyatının yeni inkişaf dönəminə daxil olduğu anda həmrəyliyi daha yaxından müşahidə edə biləcəyik”.

Hər şey Vətən üçün...

Deputatın fikrincə, əminliklə söyləyə bilərik ki, Azərbaycan cəmiyyəti ictimai və dövlət marağı məfhumlarının mahiyyətini dərk edən, bu mövqeyi ictimai, siyasi münasibətlərdə nümayiş etdirməyi bacaran, formalaşmış bir yetkin cəmiyyətdir. Düşünürəm ki, kifayət qədər uğurlu işlər görülür, bunlar göz önündədir. İctimai və dövlət maraqlarının qorunması istiqamətində ölkəmizdə davamlı şəkildə maarifləndirmə işləri aparılır və vətənpərvərlik ideologiyasının gənclər arasında təbliğatı yönündə addımlar atılır. İstər orta məktəbdə, istər ali məktəbdə, istərsə də hər hansı təhsil ocağında azərbaycançılıq ideologiyasının təbliği, vətənpərvərlik ruhunda gənclərin tərbiyə alması üçün maarifləndirmə həyata keçirilir.

Bu gün də Azərbaycanın Qarabağ iqtisadi rayonunda aparılan yenidənqurma, abadlıq işlərində xalq və dövlət birliyinin ən parlaq nümunəsini görməkdəyik. Gördüyümüz həmin işlər əlbəttə ki, bizim ümumi maraqlarımızın, ictimai və dövlət maraqlarının təmin edilməsi, qorunması üçündür. Deməli, ictimai və dövlət maraqlarının qorunmasının gündən-günə aktuallığı, vacibliyi artır və bu, prioritet məsələ hesab olunur”.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “İctimai və dövlət maraqlarının müdafiəsi” istiqaməti üzrə hazırlanmışdır

Yeganə

Paylaş:

Baxılıb: 818 dəfə