Novruz Məmmədov: Prezident İlham Əliyev Ramil Səfərovun azadlığa çıxması ilə bağlı bütün səylərini ortaya qoyub

Bakı:

16 °C

77 %

11 m/s

AZ RU EN

Ana səhifə / Siyasət / Novruz Məmmədov: Prezident İlham Əliyev Ramil Səfərovun azadlığa çıxması ilə bağlı bütün səylərini ortaya qoyub

Novruz Məmmədov: Prezident İlham Əliyev Ramil Səfərovun azadlığa çıxması ilə bağlı bütün səylərini ortaya qoyub

01.09.2012 [17:35]

“Prezident İlham Əliyevin Ramil Səfərovun əfv olunması haqqında Sərəncamı Azərbaycan ictimaiyyətində böyük sevinc və razılıq doğurub”. Bu fikirləri Azərbaycan Prezidenti Administrasiyasının Beynəlxalq əlaqələr şöbəsinin müdiri Novruz Məmmədov deyib. Onun sözlərinə görə, Ramil Səfərovun ölkəmizə gətirilməsi məsələsi ilə bağlı proseslər çox məxfi aparılıb: “İlk gündən bu işlə bağlı prosesə rəhbərlik edən, bu məsələ ilə bağlı mövqeyini bildirən şəxs Azərbaycan Respublikasının Prezidenti İlham Əliyev olub. Bu işdə ən böyük zəhmət məhz dövlət başçısının üzərinə düşüb. Dünyada gedən prosesləri də nəzərə alsaq, bu, olduqca həssas bir məsələ olduğu üçün, Ermənistanın dünya ictimaiyyətində və Avropa məkanında hansı təsəvvür yaratmaq istədiyini bildiyimiz üçün danışıqlar çox məxfi şəraitdə davam etdirilib. Bu müddətdə Azərbaycanın və Macarıstanın müvafiq qurumları arasında yazışmalar olub, səfirliklər arasında, eyni zamanda, mənim də vasitəmlə müəyyən mərhələlərdə bu məsələ ilə bağlı addımlar atılıb. Bütövlükdə, Azərbaycan Prezidentinin qətiyyətli səyləri, razılığı ilə işlər həyata keçirilib”.
Şöbə müdiri vurğulayıb ki, bununla bağl Azərbaycan Prezidentinin görüşlərində dəfələrlə məsələ qaldırılıb. Son dəfə isə Macarıstanın baş nazirinin ölkəmizə səfəri zamanı ümumi razılığa gəlmək mümkün olub. Məhz bu görüşdən sonra proseslər daha da intensivləşib. Eyni zamanda, Azərbaycan və Macarıstanın hüquq mühafizə orqanları, Ədliyyə nazirlikləri və müxtəqlif qurumlar arasında bəzi məlumatların toplanması, göndərilməsi, ortaq məxrəcə gəlinməsi istiqamətində işlər görülüb. “Lakin bu gün mətbuata baxdıqda bu məsələdən xəbər tutduqdan sonra guya hansısa işlərin görülməsində, təşkilatçılıq fəaliyyətində iştirakı olan müxtəlif adamların adlarının çəkilməsi təəccüb doğurur. Bir daha qətiyyətlə demək istəyirəm ki, bu məsələ ilə bağlı görülən işlərin başında əvvəldən axıradək Azərbaycan Respublikasının Prezidenti dayanıb. Dövlət başçısı olduğu üçün Onun özü Ramil Səfərovla bağlı xüsusi bəyanat verə bilməzdi. Lakin dövlət başçısı bu işlə bağlı bütün səylərini ortaya qoydu və gördüyünüz kimi, bu işi sonadək yerinə yetirdi. Ramil Səfərov ölkəmizə gətirilməsindən dərhal sonra dövlət başçısı onun əfv olunması ilə bağlı Sərəncam da imzaladı”, - deyə Novruz Məmmədov qeyd edib.

Paylaş:

Baxılıb: 864 dəfə