Rəcəb Tayyib Ərdoğan: Qardaşım İlham Əliyev ilə Ermənistanla sülh danışıqları məsələsini müzakirə etdik

Bakı:

23 °C

63 %

11 m/s

AZ RU EN

Ana səhifə / Siyasət / Rəcəb Tayyib Ərdoğan: Qardaşım İlham Əliyev ilə Ermənistanla sülh danışıqları məsələsini müzakirə etdik

Rəcəb Tayyib Ərdoğan: Qardaşım İlham Əliyev ilə Ermənistanla sülh danışıqları məsələsini müzakirə etdik

11.03.2025 [09:42]

Türkiyə Prezidenti Rəcəb Tayyib Ərdoğan bildirib ki, Prezident İlham Əliyevlə danışıqlar zamanı digər məsələlərlə yanaşı, Azərbaycan və Ermənistan arasında sülh danışıqları mövzusunu da müzakirə edib.

AZƏRTAC xəbər verir ki, Nazirlər Kabinetinin növbəti iclasının yekunlarına həsr olunmuş brifinqdə Türkiyə dövlətinin lideri Azərbaycan liderinin Ankaraya səfərinin yekunlarını şərh edib.

“Prezident İlham Əliyevin martın 5-də səfəri zamanı biz muxtar respublikanı azı 30 il qazla tam təmin edəcək İğdır-Naxçıvan qaz kəmərinin açılışında iştirak etdik”, - deyə o, bəhs edib.

Onun sözlərinə görə, “qardaş İlham Əliyevlə bir çox mühüm mövzuları, xüsusən də Ermənistanla sülh danışıqları məsələsini müzakirə etmək” imkanı da olub.

Türkiyə Prezidenti daha sonra Ankaranın Avropa İttifaqı ölkələri ilə dialoqu mövzusuna toxunub.

“Ankaranın Avropadakı tərəfdaşları Türkiyənin dəyişən dünya düzənindəki rolunu dərk etməli və qəbul etməli, strategiyalarını yeni qlobal reallıqları nəzərə alaraq formalaşdırmalıdırlar. Bizim prioritetimiz Avropa İttifaqı ilə ümumi maraqlara və qarşılıqlı hörmət prinsipinə əsaslanan əlaqələrin hərtərəfli inkişafı olaraq qalır. Aİ-yə tamhüquqlu üzvlük kursu qalır”, - deyə Türkiyə dövlətinin başçısı bildirib.

Siyasətçi Türkiyə iqtisadiyyatının artım göstəricilərinə diqqət çəkib. “Türkiyə iqtisadiyyatının həcmi 1,3 trilyon dollara çatıb, adambaşına ÜDM 15 min dolları keçib”, - deyən Türkiyə lideri Türkiyəyə investisiyaların, ixracın miqyası kimi də artdığını vurğulayıb.

Suriyadakı proseslərə toxunan Rəcəb Tayyib Ərdoğan qeyd edib ki, müəyyən qüvvələr qonşu ölkədə vəziyyətin sabitliyini pozmaq cəhdlərindən əl çəkmirlər. “Keçmiş Bəşər Əsəd rejiminin tərəfdarları arasından olan təxribatçılar dinlərarası çəkişmələrdən istifadə edirlər. Hazırda risklərin qalmasına baxmayaraq, Suriya hökumətinin səyləri sayəsində vəziyyət nəzarət altındadır”, - deyə o, rəsmi Dəməşqin hərəkətlərini müsbət qiymətləndirib.

“Ankara səmimi qəlbdən Suriyada sülh və sabitlik mühitinin tezliklə bərqərar olmasına ümid edir”, - deyə Rəcəb Tayyib Ərdoğan əlavə edib.

Türkiyə Prezidenti Ukraynadakı vəziyyətə də münasibət bildirib. “Uzunmüddətli sülhə nail olmaq Moskva və ya Kiyevin iştirakı olmadan mümkün deyil. Biz bu barədə bütün platformalarda bildiririk”, - deyə siyasətçi deyib.

Paylaş:

Baxılıb: 431 dəfə