Dövlət Torpaq və Xəritəçəkmə Komitəsində 20 yanvar faciəsinin 24-cü ildönümünə həsr olunmuş tədbir keçirilib

Bakı:

23 °C

73 %

8 m/s

AZ RU EN

Ana səhifə / Siyasət / Dövlət Torpaq və Xəritəçəkmə Komitəsində 20 yanvar faciəsinin 24-cü ildönümünə həsr olunmuş tədbir keçirilib

Dövlət Torpaq və Xəritəçəkmə Komitəsində 20 yanvar faciəsinin 24-cü ildönümünə həsr olunmuş tədbir keçirilib

17.01.2014 [10:33]

Yanvarın 16-da Dövlət Torpaq və Xəritəçəkmə Komitəsində 20 yanvar faciəsinin 24-cü ildönümünə həsr olunmuş tədbir keçirilib. Tədbirdə Dövlət Torpaq və Xəritəçəkmə Komitəsinin rəhbərliyi və struktur vahidlərinin işçiləri iştirak ediblər.
Tədbir iştirakçıları ilk öncə 20 yanvar faciəsində həlak olmuş şəhidlərin əziz xatirəsini bir dəqiqəlik sükutla yad ediblər.
Tədbiri giriş sözü ilə Dövlət Torpaq və Xəritəçəkmə Komitəsinin sədr müavini Azad Nağıyev açaraq bildirib ki, Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən artıq 24 il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biridir.
20 Yanvar hadisəsi zamanı 137 insan şəhid olub, 744 adam ağır xəsarət alıb, onlardan 331 nəfər bu gün də əlil olaraq qalır. Həmin hadisədə Azərbaycanda 870 nəfər həbs olunub, müxtəlif işgəncələrə məruz qalıblar.
20 Yanvar faciəsi Azərbaycan tarixində qəhrəmanlıq səhifəsidir. Çünki bu tarix Azərbaycanın müstəqil dövlət kimi tanınmasında canlarını qurban verən şəhidlərimizin qanı ilə yazılıb. Biz bilirik ki, həmin dövrdə Azərbaycan informasiya blokadasında olub. Həmin vaxt Ulu öndərimiz Heydər Əliyev ailəsi ilə birlikdə Azərbaycanın Moskvadakı daimi nümayəndəliyinə gələrək, bu dəhşətli hadisəyə münasibətini bildirən kəskin bəyanatında Bakıda törədilən qırğınlara siyasi qiymət verilməsini, günahkarların cəzalandırılmasını tələb edib. Ulu öndərin bu bəyanatından sonra Azərbaycanda baş verən hadisə bütün dünyaya çatdırılıb.
Tədbirdə çıxış edən natiqlər xüsusi vurğulayıblar ki, Ulu öndərimizin iqtisadi-siyasi kursunun layiqli davamçısı möhtərəm Prezidentimiz cənab İlham Əliyev Azərbaycanda iqtisadi inkişafın yüksəldilməsinə nail olmaqla yanaşı, ölkə müstəqilliyi uğrunda şəhid olmuş 20 yanvar hadisəsinin iştirakçılarının hər birinin ailəsinə diqqətlə yanaşıb, onların üzləşdiyi problemlərin həlli bilavasitə dövlətin nəzarətində olub.
İclasda çıxış edən natiqlər 20 yanvar faciəsinin xalqımızın qan yaddaşında əbədi həkk olunduğunu vurğulamaqla bu faciənin insanlığa qarşı törədilmiş ən dəhşətli və ağır cinayətlərdən biri olduğunu bildiriblər.

Paylaş:

Baxılıb: 1107 dəfə