Bakıda Dünya Gömrük Təşkilatının Avropa regionu üzrə milli tədris mərkəzləri rəhbərlərinin birinci konfransı keçirilir

Bakı:

11 °C

87 %

1 m/s

AZ RU EN

Ana səhifə / Siyasət / Bakıda Dünya Gömrük Təşkilatının Avropa regionu üzrə milli tədris mərkəzləri rəhbərlərinin birinci konfransı keçirilir

Bakıda Dünya Gömrük Təşkilatının Avropa regionu üzrə milli tədris mərkəzləri rəhbərlərinin birinci konfransı keçirilir

23.01.2014 [10:34]

Yanvarın 22-də Bakıda Dünya Gömrük Təşkilatının Avropa regionu üzrə milli tədris mərkəzləri rəhbərlərinin birinci konfransı işə başlayıb.
AzərTAc xəbər verir ki, konfransda Azərbaycan da daxil olmaqla 42 iştirakçı və 5 müşahidəçi ölkənin, bir sıra beynəlxalq təşkilatların nümayəndələri iştirak edirlər.
Konfransın açılışında Dünya Gömrük Təşkilatının Avropa regionu üzrə sədr müavini, Azərbaycan Dövlət Gömrük Komitəsinin sədri Aydın Əliyev çıxış edərək ölkəmizdə gömrük xidmətinin inkişafından, beynəlxalq əməkdaşlığın genişləndirilməsindən, konfransın əhəmiyyətindən danışıb. Bildirilib ki, Dünya Gömrük Təşkilatı ilə əməkdaşlığın gücləndirilməsi, Azərbaycan gömrüyünün modernləşdirilməsi, kadrların peşəkarlıq səviyyəsinin artırılması prioritet məsələlərdir. Azərbaycan Gömrük Xidmətinin təşəbbüsü ilə keçirilən və Dünya Gömrük Təşkilatı tərəfindən dəstəklənən bu konfrans qarşıda duran hədəflərə çatmağa yardım edəcək. Dövlət tərəfindən gömrük sahəsinin inkişafına böyük dəstək verildiyini qeyd edən Aydın Əliyev vurğulayıb ki, 2011-ci ildə Bakıda Dünya Gömrük Təşkilatının Potensialın Gücləndirilməsi üzrə regional ofisi açılıb, 2003-cü ildə isə Azərbaycan paytaxtında təşkilatın Regional Tədris Mərkəzi fəaliyyətə başlayıb.
Dünya Gömrük Təşkilatının Potensialın Gücləndirilməsi üzrə direktoru Erik Kik, Dünya Gömrük Təşkilatının Potensialın Gücləndirilməsi üzrə Avropa regional ofisinin rəhbəri Vitali Mikeladze çıxış edərək gömrük sahəsində kadrların peşəkarlıq səviyyəsinin artırılmasının vacibliyindən, konfransın əhəmiyyətindən danışıblar. Bildirilib ki, konfrans insan resurslarının inkişaf etdirilməsi baxımından qabaqcıl təcrübəni öyrənmək üçün təşkil olunub.
İlk sessiyada “Gömrük peşəkarlığı və bacarıqlar”, “Milli insan resurslarının inkişafı və tədris strategiyaları: işçi heyətinin təkmilləşdirilməsi, bacarıqlar və fəaliyyət”, “Milli təlim-tədris proqramları”, “Milli Tədris Mərkəzi təsis edilərkən infrastruktur və təşkilati çətinliklər” və digər mövzularda təqdimatlar olub, müzakirələr aparılıb.
Yanvarın 24-dək davam edəcək konfrans üç sessiyadan - “Aktual məsələlər və gömrük tədrisi üzrə fikir mübadiləsi”, “Gömrük tədrisində qabaqcıl yanaşmalar”, “Konfransın nəticələri və gələcəyə aparan yol, yekun sənədin hazırlanması” bölmələrindən ibarətdir.

Paylaş:

Baxılıb: 953 dəfə