Rüstəm Rüstəmov: Son 10 ildə ölkəmizdə sosial müdafiə sisteminin inkişafı istiqamətində çox böyük işlər görülmüşdür

Bakı:

28 °C

58 %

1 m/s

AZ RU EN

Ana səhifə / Siyasət / Rüstəm Rüstəmov: Son 10 ildə ölkəmizdə sosial müdafiə sisteminin inkişafı istiqamətində çox böyük işlər görülmüşdür

Rüstəm Rüstəmov: Son 10 ildə ölkəmizdə sosial müdafiə sisteminin inkişafı istiqamətində çox böyük işlər görülmüşdür

07.02.2014 [09:10]

“Son 10 ildə ölkəmizdə sosial müdafiə sisteminin inkişafı və təkmilləşdirilməsi istiqamətində çox böyük işlər görülmüşdür və Azərbaycan Respublikası Prezidentinin 17 iyul 2001-ci il tarixli “Pensiya islahatı konsepsiyasının təsdiqi barədə” Sərəncamı bunun üçün ilk təkan olmuşdur. Məhz bu, artıq 2003-cü ildə Azərbaycan Respublikası dövlət Sosial Müdafiə Fondunun, Birləşmiş Millətlər Təşkilatı inkişaf proqramı ilə birgə layihənin yaradılması ilə nəticələndi. Bu layihə böyük işlər gördü və nəticədə, biz bu gün həmin istiqamətdə böyük dəyişikliklər görürük”. Bu fikirlər sosial-iqtisadiyyat üzrə ekspert Rüstəm Rüstəmovun www.yap.org.az saytındakı analitik yazısında yer alıb. Analitik yazıda qeyd olunur ki, uğurla yerinə yetirilmiş 10 illik layihə yeni axtarışlara və ölkə vətəndaşlarının rifahına təkan verir və dövlət tərəfindən qoyulmuş məqsədə çatmaq üçün yeni və produktiv üsullar yaradır. R.Rüstəmovun fikrincə son zamanlar Azərbaycanda xüsusi (könüllü) pensiya fondlarının yaradılmasının perspektivləri haqqında tez-tez söhbət açılır və əhalinin onun bəzi özəllikləri, yaranma məqsədlərini, habelə indiki tələblərə və həyat şərtlərinə nə dərəcədə cavab verəcəyini bilməsi yaxşı olardı: “Birincisi, bu, dövlətin bilavasitə nəzarəti altında sosial təminatın qeyri-ticarət təşkilati-hüquqi formadır. İkincisi, pensiyaların yığılması və verilməsi məqsədi ilə fəaliyyət göstərən xüsusi pensiya fondu, prinsip etibarilə gəlirsiz təşkilat statusu olan hüquqi şəxsdir”.
Daha sonra yazıda ekspert xüsusi pensiya fondlarının əsas fəaliyyət istiqamətləri, onların vəzifələri və cəmiyyətə qazandıracağı dividendlər haqqında geniş söhbət açır. Qeyd olunur ki, burada, gələcək pensiyanın həcminə təsir edə biləcək əlavə pensiya təminatı sxemləri təklif olunur, xüsusi pensiya fondlarına ödənilmiş əmanətlər gəlir aktivinə toplanır və kapital olaraq qoyulur, belə sistemdə pensiya həddinə çatdıqdan sonra, pensiya ödənməsi dövlət pensiya fondunun verə biləcəyindən kifayət qədər yuxarı olacaq, bütövlükdə dövlət tənzimləyici olaraq qalır, informasiya şəffaflığı, vətəndaşlar hər zaman öz pensiya əmanətlərinin vəziyyəti barədə məlumata malik olacaqlar. Həmçinin, pensiyanın yığım hissəsinin müdafiəsinin məcburi sistemi, yəni idarəetmə elə aparılır ki, kapitalqoyma riski maksimum aşağı salınsın, mühüm imtiyazlardan biri vergi imtiyazlarıdır. Belə ki, dünya təcrübəsində pensiya ödəmələrinin məbləği fiziki və hüquqi şəxslərin vergi qoyma gəlirindən çıxarılır. Çox vacib bir məsələ, xüsusi pensiya fondları ləğv edilə və bankrot edilə bilməz.

Paylaş:

Baxılıb: 1054 dəfə