Heydər Əliyev
yeni azerbaycan logo

Ana səhifə / Siyasət / Siyavuş Novruzov: “Müsavat” qurultay yox, şou keçirmək istəyir

Siyavuş Novruzov: “Müsavat” qurultay yox, şou keçirmək istəyir

28.03.2014 [09:12]

“Müsavat Partiyası, əslində, yer istəmir, qurultaydan şou düzəltmək istəyir. Bir vaxtlar onlar bu şou əsnasında öz qurultaylarını Gürcüstan, Türkiyə və bir sıra başqa yerlərdə keçirtmək istəyirdilər”. Bu sözləri Yeni Azərbaycan Partiyası (YAP) İcra katibinin müavini, millət vəkili Siyavuş Novruzov deyib.
O bildirib ki, Müsavat Partiyasının onlara yer verilməməsi ilə bağlı iddiaları əsassızdır: “Hər-hansı bir siyasi qurum toplantı keçirməkdən ötrü BŞİH-ə müraciət edirsə, onlara müvafiq yer ayrılır. Bu yerlərin onları qane edib-etməməsi isə siyasi partiyaların öz işidir. “Müsavat”a da, yəqin ki, yer ayrılıb. Sadəcə, onlar bəhanə axtarırlar.
Çünki, hazırda şəxsi mülkiyyəti də ayrı-ayrı partiyalar özləri üçün icarəyə götürür. Ona görə də İcra Hakimiyyətinin Müsavat Partiyasına ayırdığı yer onları təmin etmirsə, o zaman ayrı-ayrı mülkiyyətçilərlə müqavilə bağlayıb, öz toplantılarını orada keçirə bilərlər. YAP da öz qurultayını müqavilə əsasında müəyyən vəsait ödəməklə keçirdi. Mənim məlumatıma görə, İcra Hakimiyyəti hər zaman Müsavat Partiyasına öz tədbirlərin keçirməsi üçün bir neçə yer təklif edib. Amma partiya sözügedən yerlərdə toplantısını keçirtmək istəmir”.
Millət vəkili əlavə edib ki, İcra Hakimiyyəti Müsavat Partiyasını tədbir keçirmələri üçün yenə də müvafiq yerlərlə təmin edəcək: “Ona görə də Musavat Partiyasının məhkəmə iddiası qeyri-qanunidir və heç bir hüquqi əsası yoxdur”.

Paylaş:
Baxılıb: 775 dəfə

Xəbər lenti

Hamısına bax

Mədəniyyət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31