Hollandiyanın dövlət televiziyasında Azərbaycan həqiqətləri ilə bağlı veriliş efirə gedib

Bakı:

22 °C

94 %

0 m/s

Əlaqə

AZ RU EN

Ana səhifə / Siyasət / Hollandiyanın dövlət televiziyasında Azərbaycan həqiqətləri ilə bağlı veriliş efirə gedib

Hollandiyanın dövlət televiziyasında Azərbaycan həqiqətləri ilə bağlı veriliş efirə gedib

19.03.2009 [11:11]

Niderland Krallığında fəaliyyət göstərən Benilüks Azərbaycanlıları Konqresinin (BAK) mətbuat xidmətindən xüsusi müxbirimizə bildiriblər ki, martın 15-də Niderland-2 dövlət televiziya kanalında Azərbaycan həqiqətləri və BAK-ın martın 7-də keçirilmiş ikinci qurultayı barədə yarım saatlıq veriliş efirə gedib, BAK-ın mətbu orqanı “Banelük Nws” qəzetinin fəaliyyətindən söz açılıb. Verilişdə Hollandiyada 30 min azərbaycanlının yaşadığı vurğulanıb, BAK-ın Azərbaycan həqiqətləri ilə bağlı ölkədə keçirdiyi tədbirlərdən, iki ölkə arasında əlaqələrin yaranmasında və inkişafında qurumun gördüyü işlərdən ətraflı söz açılıb. Bu ölkədəki türkəsilli deputatların çıxışı xüsusi maraq doğurub. Onlar Türkiyə-Azərbaycan dostluq münasibətlərindən, Niderland Krallığında qardaş ölkələrimizlə bağlı keçirilən tədbirlərdə birgə fəaliyyətdən bəhs ediblər. Milli Məclisin deputatı, Azərbaycan-Lüksemburq parlamentlərarası işçi qrupunun rəhbəri Elmira Axundova və ölkəmizin Niderland Krallığındakı səfiri Fuad İsgəndərov televiziya kanalına verdikləri müsahibələrində keçmiş SSRİ məkanında dinlərə qadağa qoyulması, müstəqillik əldə etdikdən sonra Azərbaycanda İslam dini ilə bərabər, digər xalqların dininə, dilinə, mədəniyyətinə hörmət edilməsi, Hollandya ilə Azərbaycan arasında dövlət səviyyəsində ikitərəfli əlaqələrin inkişafı barədə yerli tamaşaçılara dolğun məlumat veriblər. Amsterdamda və Rotterdamdakı həftə sonu ana dili məktəblərindən, BAK-ın qurultayından, incəsənət ustalarımızdan Elza Seyidcahanın, Tünzalə Ağayevanın və Azərinin ifasında səslənmiş xalq mahnıları və caz musiqisindən fraqmentlər göstərilib.
Holland türkoloq-alim Aleksandr de Grootun Azərbaycan həqiqətləri, tarixi, coğrafiyası, mədəniyyəti, Dağlıq Qarabağ münaqişəsinin əsas səbəbləri barədəki çıxışına verilişdə daha geniş yer ayrılıb. Professor Aleksandr de Groot Ermənistan-Azərbaycan, Dağlıq Qarabağ münaqişəsini təhlil edərək dünyaya özlərini “məzlum və zavallı” xalq kimi qələmə vermiş ermənilərin mənfur niyyətləri - Azərbaycana qarşı apardıqları işğalçılıq siyasətinin əsas mahiyyəti barədə ətraflı danışıb, bəşər tarixinin ən qanlı hadisəsindən olan Xocalı faciəsinin erməni vəhşiliyinin ağlasığmaz cinayəti olması haqqında hərtərəfli məlumat verib. O, Ermənistanı işğalçı dövlət adlandırıb, etnik təmizləmə siyasəti aparan erməni hərbi birləşmələrinin bir milyondan çox azərbaycanlını zor gücünə ata-baba torpaqlarından çıxararaq məcburi qaçqın və köçkünə çevirdiyini bildirib. Televiziyada ermənilər tərəfindən qətlə yetirilmiş Xocalı qurbanlarının xatirəsinə ölkənin inzibati mərkəzi Haaqada ucaldılmış abidədən görüntülər göstərilib. ümumiyyətlə, Azərbaycan həqiqətlərini yayan və Ermənistanın işğalçılıq siyasətini ifşa edən belə bir verilişin Avropanın nüfuzlu ölkələrindən olan Niderland Krallığında efirə getməsi Azərbaycanın apardığı xarici siyasətin uğurundan və azərbaycanlıların bu ölkədə gündən-günə artan nüfuzundan xəbər verir.
AzərTAc

Paylaş:

Baxılıb: 1642 dəfə