Şair Ramaldanov: Aprel döyüşləri uğurlu Horadiz əməliyyatının davamıdır

Bakı:

23 °C

49 %

6 m/s

Əlaqə

AZ RU EN

Ana səhifə / Siyasət / Şair Ramaldanov: Aprel döyüşləri uğurlu Horadiz əməliyyatının davamıdır

Şair Ramaldanov: Aprel döyüşləri uğurlu Horadiz əməliyyatının davamıdır

06.01.2018 [10:46]

Aprel döyüşləri uğurlu Horadiz əməliyyatının davamıdır.
AZƏRTAC xəbər verir ki, bunu 702 saylı hərbi hissənin sabiq komandiri, polkovnik Şair Ramaldanov yanvarın 5-də jurnalistlərə müsahibəsində deyib.
Ş.Ramaldanov bildirib ki, 1994-cü ilin qışında həyata keçirilən Horadiz əməliyyatı Azərbaycan xalqının qürur mənbəyidir. Bu uğurlu əməliyyat Ümummilli lider Heydər Əliyevin rəhbərliyi ilə həyata keçirilib. Ulu Öndərin çağırışından sonra genişmiqyaslı səfərbərlik keçirildi, hərbi hissələr tam komplektləşdirildi və dahi rəhbərin xeyir-duası ilə hücum əməliyyatları təşkil olundu. Ümummilli lider Heydər Əliyevin Azərbaycanda hakimiyyətə qayıdışı ilə ordumuzda və xalqımızda qələbəyə inam yarandı və bundan ruhlanan döyüşçülərimiz uğurlu hücum əməliyyatları ilə Füzuli rayonunun Horadiz qəsəbəsini və 21 kəndi Ermənistan ordusunun işğalından azad etdi. Ağır itkilər verən düşmən atəşkəs müqaviləsini imzalamağa məcbur oldu.
Ş.Ramaldanov qeyd edib ki, atəşkəsin elan olunması müharibənin bitməsi demək deyil. Amma düşmən hələ də atəşkəs rejimini pozur. Lakin bizim qəhrəman əsgərlərimiz ön xətdə düşmənə layiqli cavab verir, ermənilərin təxribatlarının qarşısını alırlar: “2016-cı ilin aprelində Azərbaycan Ordusu Prezident, Ali Baş Komandan İlham Əliyevin rəhbərliyi ilə həmin istiqamətdə yenidən öz qəhrəmanlığını göstərdi. Düşmən ağır zərbə alaraq yaşayış məntəqələrimiz üçün təhlükə yaradan mövqelərdən geri çəkilməyə məcbur oldu. Bununla da yaşayış məntəqələrimizin təhlükəsizliyi təmin edildi”.
Düşmənin ötən ilin aprelində aldığı ağır zərbədən sonra hələ də özünə gəlmədiyini vurğulayan sabiq hərbi hissə komandiri bildirib ki, aprel döyüşləri Azərbaycan əsgərinin gücünü Ermənistan ilə yanaşı, bütün dünyaya göstərdi. Artıq Ermənistan rəhbərliyi müharibə başlayacağı təqdirdə hansı aqibətlə üzləşəcəyini çox yaxşı bilir. Azərbaycan Silahlı Qüvvələrinin gücündən qorxuya düşən düşmən sosial şəbəkələrdə, mətbuatda öz narahatlığını bildirir. Bu barədə ən əsas narahatlığı Ermənistan ictimaiyyəti, erməni analar keçirirlər. Əgər Azərbaycan öz torpaqlarını hərb yolu ilə işğaldan azad etməli olsa, o zaman düşmən daha çox itkiyə məruz qalacaq.
“Horadiz əməliyyatı Azərbaycan Ordusunun qələbələrinin başlanğıcıdır. Bu uğurların davamı aprel döyüşləridir. İnanıram ki, belə qələbələrimiz bundan sonra da çox olacaq”, - deyə Ş.Ramaldanov qeyd edib.

Paylaş:

Baxılıb: 550 dəfə